«Karabiel mierćviakoŭ». U Atłantyčnym akijanie sustreli łodku, poŭnuju trupaŭ
Niamiecki padarožnik Michael Atuh z dvuma siabrami sabraŭsia prapłyści na jachcie ad Kanarskich astravoŭ kala ŭźbiarežža Afryki da Hvadełupy ŭ Karybskim mory. Ale nie raźličvaŭ, što ŭ akijanie natkniecca na takuju strašnuju znachodku, piša Bild.
Na 11-y dzień padarožža kampanija siabroŭ vyjaviła na pieršy pohlad pustuju draŭlanuju łodku — takuju, jakija vykarystoŭvajuć rybaki kala ŭźbiarežža Sieniehała. Niezvyčajnym, adnak było toje, što ad jaje išoŭ mocny pach miarćviečyny. Akramia taho, mužčyny pabačyli kala łodki akułu.
«Usio dno vaśmimietrovaj, ciažkoj, staroj draŭlanaj łodki było zavalena miortvymi ciełami. Mužčynami, žančynami i, mahčyma, dziećmi. Karabiel mierćviakoŭ. Ciažka skazać, kolki ich było. Vidać, jany pamierli ad śpioki, hoładu i smahi samym žachlivym čynam», — skazaŭ Atuh u razmovie z Bild.
Jachtsmieny miarkujuć, što sudna išło z Zachodniaj Afryki na Kanarskija astravy. Na takich łodkach časta raźmiaščajucca nie mienš za 50 biežancaŭ.
«Jany zmahalisia za svajo žyćcio da kanca. Nichto nie zasłuhoŭvaje padobnaha. Spadziajusia, kali-niebudź nielehalnyja pieravozčyki mihrantaŭ atrymajuć za heta spraviadlivaje pakarańnie», — dadaŭ Atuh.
Padarožniki z Hiermanii źviarnulisia ŭ ispanskuju bierahavuju achovu, ale tam nie stali buksiravać sudna. Paśla adhuknulisia sieniehalskija ŭłady, ale jany taksama nie akazali nijakaj dapamohi. Łodka z trupami, vidać, tak i zastajecca ŭ adkrytym akijanie.
Ciapier čytajuć
«Ja naviedaŭ samuju izalavanuju krainu Jeŭropy». Amierykanski błohier raskazaŭ, jak pryjazdžaŭ u Biełaruś u 2020-m i 2024-m2
Kamientary