Nazvanyja niebiaśpiečnyja nastupstvy častych znosin z ChatGPT: što pakazali daśledavańni
Navukoŭcy vyśvietlili, što aktyŭnaje vykarystańnie ŠI-čataŭ źviazana z rostam emacyjnaj zaležnaści i pačućciom adzinoty, piša «Chajtiek».
Častyja znosiny z čat-botami, takimi jak ChatGPT, mohuć pryvieści da skaračeńnia času, jaki pravodzicca z realnymi ludźmi, i ŭzmacnieńniu pačućcia adzinoty, pakazali daśledavańni OpenAI i Masačusieckaha technałahičnaha instytuta (MIT).
U adnym z ekśpierymientaŭ navukoŭcy na praciahu miesiaca nazirali za amal 1000 čałaviek, jakija ŭžo karystalisia ChatGPT. Padyspytnym prapanavali tekstavuju abo hałasavuju viersiju čat-bota dla znosin minimum piać chvilin u dzień.
Vyniki pakazali, što:
- karystalniki, jakija čaściej mieli znosiny z ChatGPT, macniej emacyjna pryviazvalisia da jaho;
- udzielniki z vysokim uzroŭniem davieru da ŠI čaściej adčuvali adzinotu i zaležnaść ad čat-bota;
- pryvabnaść hołasu robata nie paŭpłyvała na ŭzrovień emacyjnaj zaležnaści.
U druhim daśledavańni analizavali try miljony dyjałohaŭ z ChatGPT i praviali apytańnie ab charaktary znosin. Vyśvietliłasia, što tolki niešmatlikija karystalniki viali z ŠI emacyjna značnyja hutarki.
Z momantu vychadu ChatGPT u 2022 hodzie cikavaść da hienieratyŭnaha ŠI rezka vyrasła. Raspracoŭščyki ŭkaraniajuć novyja hałasavyja funkcyi, jakija dazvalajuć robatam realistyčna imitavać čałaviečyja znosiny.
Heta moža spryjać farmavańniu parasacyjalnych suviaziaŭ, kali karystalniki ŭsprymajuć ŠI jak žyvoha surazmoŭcu.
Aściarohi ab upłyvie čat-botaŭ na psichiku asabliva aktualnyja dla maładych ludziej i karystalnikaŭ ź mientalnymi prablemami. OpenAI praciahvaje vyvučać, jak technałohii ŭpłyvajuć na ludziej, ale pakul rana rabić adnaznačnyja vysnovy.
Ale pakul zastajecca adkrytym pytańnie, ci heta ŠI-znosiny pryvodziać da adzinoty, ci ludzi, jakija ŭžo adčuvajuć siabie samotnymi, čaściej źviartajucca da čat-botaŭ.
-
Navukoŭcy znajšli niezvyčajnyja formy žyćcia ŭ samych hłybiniach akijana. Raniej dumali, što tam uvohule nichto nie žyvie
-
Servis, jaki dazvalaje dziaŭčatam abmieńvacca źviestkami pra mužčyn, staŭ samym papularnym u ZŠA. Ale niešta pajšło nie tak
-
Šeleh: Biełaruskija leki ničym nie adroźnivajucca ad starych preparataŭ bujnych farmaceŭtyčnych kampanij
Stała viadoma, dzie pracuje favarytka Łukašenki Uładlena Zajcava19
Kamientary