Sałaŭjovu daviałosia zapisać pakajalnaje videa, bo ŭ Čačni nie zrazumieli jaho słovy pra «Achmat»
Kanflikt pamiž prapahandystam Uładzimiram Sałaŭjovym i ŭładami Čačni zaviaršyŭsia zapisanymi na videa tłumačeńniami televiadoŭcy, piša «Ahientstvo».
Kanflikt pačaŭsia zdalok — da jaho pryviali słovy Sałaŭjova pra błohiera i eks-daradcu kurskaha hubiernatara Ramana Alochina, jaki ŭstupiŭ u «Achmat», adsłužyŭ tam 23 dni, ale śćviardžaŭ, što adyhraŭ važnuju rolu ŭ trubapravodnaj apieracyi rasijskaha vojska pa zachodzie ŭ tył USU ŭ Kurskaj vobłaści.
Alechin pačaŭ słužyć u «Achmacie», pa jaho ŭłasnych słovach, u kancy lutaha. 8 sakavika rasijskija vajskoŭcy, u tym liku bajcy «Achmata», praviali apieracyju pa zachodzie ŭ tył USU pa hazavaj trubie. Alochin, pa jaho ŭłasnych słovach, udzielničaŭ u hetaj apieracyi. 17 sakavika prarasijski błohier z amierykanskim hramadzianstvam Patryk Łankaster apublikavaŭ intervju z Alochinym, dzie toj raspaviadaje pra apieracyju.
«Ja arhanizoŭvaŭ uvachod [u trubu], arhanizoŭvaŭ zabieśpiačeńnie ŭsioj apieracyi i, adpaviedna, padmianiaŭ kamandzira, kali jon adpačyvaŭ», — raspavioŭ eks-daradca Kurskaha hubiernatara ŭ videa.
Hetaje intervju vyklikała abureńnie Sałaŭjova, i 19 sakavika jon raskrytykavaŭ Alochina ŭ adnoj sa svaich pieradač za intervju i viadzieńnie telehram-kanała z frontu:
«Jon chto, vašu mać? Chto hety žulik? … Jak moža lehiendarnaje padraździaleńnie «Achmat» u svaich šerahach trymać heta?»
Užo 20 sakavika ministr Čačni pa źniešnich suviaziach Achmied Dudajeŭ apublikavaŭ u svaim telehram-kanale dva videa.
Na pieršym sam Dudajeŭ kaža, što «niadobrazyčliŭcy» sprabujuć parušyć «siabroŭskija adnosiny čačenskich uładaŭ i Sałaŭjova, tamu što toj u efiry vymaviŭ «vašu mać». «Dla taho, kab zaścierahčy našy z vami pavažlivyja, siabroŭskija adnosiny ad zamachaŭ hetych satanistaŭ, ja b chacieŭ paprasić vas rastłumačyć, ci mieli dadzienyja słovy jakoje-niebudź dačynieńnie da pradstaŭnikoŭ Čačenskaj respubliki abo śpiecnaza «Achmat», — spytaŭ na videa čačenski ministr.
Druhoje videa — amal dźvie chviliny tłumačeńniaŭ ad Sałaŭjova. U roliku prapahandyst tłumačyć, što Alochin — «niavarty čałaviek», jaki «kidaje cień na absalutna biezdakornuju reputacyju» padraździaleńnia. «Tvaju mać» moža adnosicca tolki da tych šajtanaŭ, jakija sprabujuć zhańbavać lehiendarnaje padraździaleńnie», — kaža Sałaŭjoŭ.
Praz try dni paśla krytyki Sałaŭjova Alochin paviedamiŭ, što spyniŭ słužbu. «Kožny pavinien zajmacca svajoj spravaj … Minabarony prosta vypravili pamyłku, jakuju ja dapuściŭ, padpisaŭšy kantrakt», — napisaŭ jon. Pavodle ŭłasnych padlikaŭ, jon adsłužyŭ 23 dni.
Taksama, jak paviedamiŭ sam Alochin, jon staŭ poŭnym kavaleram ordena «Śpiecnaz-Achmat» i atrymaŭ załatuju zorku ordena za ŭdzieł u apieracyi «Truba».
Ciapier čytajuć
Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama9
Kamientary