Śviatłana Cichanoŭskaja padčas vizitu ŭ Talin uziała ŭdzieł va ŭračystym adkryćci novaha Ofisa demakratyčnych siłaŭ Biełarusi, kiraŭnikom jakoha budzie Vital Małčanaŭ — pradstaŭnik Śviatłany Cichanoŭskaj u Estonii i Łatvii, paviedamlaje telehram-kanał demakratyčnaj lidarki Biełarusi.

Padčas mierapryjemstva z pramovami vystupili estonskija i biełaruskija palityki. Taksama adbyłasia cyrymonija ŭznaharodžańnia Marka Koplimaa — śpiecyjalnaha pradstaŭnika Estonii pa spravach demakratyčnych siłaŭ Biełarusi.
Na adkryćci prysutničali ŭpłyvovyja palityki i dypłamaty, u tym liku — ministr zamiežnych spravaŭ Estonii Urmas Rejnsału, staršynia Talinskaj haradskoj rady Toomas Kruusimiahi, hienieralny sakratar MZS Estonii Jonatan Vsieviaŭ, śpiecpasłańnik Estonii pa Biełarusi Marka Koplimaa dy inš.
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ

Kamientary