Symona Sierafinoviča, jaki pamior u 1997 hodzie, pryznali vinavatym u hienacydzie
Umoŭnaje pakarańnie nie było pryznačana.
Symona Sierafinoviča pryznali vinavatym u hienacydzie biełaruskaha nasielnictva. Takoje rašeńnie vynies siońnia Viarchoŭny sud.
Prysud byŭ vyniesieny biez pryznačeńnia pakarańnia ŭ suviazi sa śmierciu abvinavačanaha ŭ Vialikabrytanii ŭ 1997 hodzie.
Zavočny sud nad Sierafinovičam pačaŭsia 3 lutaha. Padčas Druhoj suśvietnaj vajny Symon Sierafinovič uznačaliŭ padraździaleńnie Mirskaj rajonnaj dapamožnaj palicyi. Pa jaho zahadzie ŭ Mirskim hieta było źniščana bolš za 3700 jaŭrejaŭ, u tym liku dziaciej i starych.
Prakuror padčas abviaščeńnia abvinavačańnia pieraličyŭ usie ŭstanoŭlenyja proźviščy źniščanych u Mirskim hieta, jon pačaŭ začytvać śpis u pačatku pasiadžeńnia i zaviaršyŭ tolki paśla pierapynku ŭ sudovym pasiedžańni.
Akramia źniščeńnia Mirskaha hieta, Sierafinovič abvinavačvaŭsia ŭ asabistym udziele ŭ rasstrełach mirnych žycharoŭ, praviadzieńni akcyj zapałochvańnia.
Jak vynikaje z materyjałaŭ spravy, jakuju rasśledavała Hienieralnaja prakuratura Biełarusi, Sierafinovič vinavaty ŭ śmierci bolš jak čatyroch tysiač mirnych hramadzian.
Spravu składali 30 tamoŭ, pa joj prachodzili bolš za 50 śviedak.
Kamientary