Hramadstva1212

Mieniedžarka «Koka-koły», jakaja pajšła ŭ palityku. Što viadoma pra źnikłuju śpikierku KR Anžaliku Mielnikavu

Hałoŭnaja intryha dnia — tajamničaje źniknieńnie śpikierki Kaardynacyjnaj rady Anžaliki Mielnikavaj. Suviaź ź joj adsutničaje z 25 sakavika. Pa infarmacyi «Našaj Nivy», Mielnikava pakinuła Polšču sama na samalocie. Jana vylecieła z terytoryi Jeŭrasajuza, paśla čaho jaje śled zhubiŭsia.

Źnikli i dzieci Mielnikavaj, ź jakimi jana žyła ŭ Varšavie. Ci byli jany ź joj, kali jana adlatała, nieviadoma. Były muž Anžaliki znachodzicca nie ŭ Polščy.

Apošnim časam Mielnikava kazała, što nibyta mocna zachvareła, padzialilisia z «Našaj Nivaj» jaje kalehi. U pačatku lutaha jana paviedamiła im, što praz stan zdaroŭja nie moža zajmacca spravami Kaardynacyjnaj rady.

Anžalika Mielnikava 3 kastryčnika 2024 hoda. Fota: «Naša Niva»

Kaardynacyjnaja rada

Anžaliku Mielnikavu abrali śpikierkaj Kaardynacyjnaj rady 3 sklikańnia ŭ lipieni 2024 hoda. Vyłučałasia jana sa śpisu «Kamandy Łatuški i Ruch «Za Svabodu».

4 lutaha 2025 ŭ kanale KR źjaviŭsia apošni post z udziełam Mielnikavaj. U im śpikierka KR raspaviadała pra vyniki Forumu Kaściuški ŭ Hdańsku.

Dźvie adukacyi i paśpiachovaja karjera ŭ Biełarusi

38-hadovaja Anžalika Mielnikava naradziłasia ŭ Niaśvižy, skončyła MDŁU i BDEU. Pracavała śpiecyjalistkaj u halinie kamunikacyi i pierakładčycaj-refierentkaj. Da 2018 hoda była namieśnicaj hienieralnaha dyrektara «Koka-Koła Bieŭrydžyz Biełaruś».

U intervju Anžalika kazała, što i jana, i muž-ajcišnik u Biełarusi dobra zarablali. Pabudavali kvateru, mahli adpačyvać siamjoj niekalki razoŭ na hod. U 2018 hodzie Mielnikava syšła ŭ dekretny adpačynak, ciažarnaja druhoj dačkoj.

Da 2020 hoda žančyna asabliva nie cikaviłasia palitykaj u krainie. Ale z pratestami Mielnikava zaniałasia aktyvizmam u rodnym horadzie, kudy pierajechała padčas karanavirusu. Za ŭdzieł u maršy i viełaprabieh sa ściahami jaje dvojčy sudzili pa administracyjnych artykułach. Pakolki ŭ Anžaliki małyja dzieci, joj davali štrafy.

U vieraśni 2020 hoda siamja źjechała ź Biełarusi.

Emihracyja i palityčnaja dziejnaść

Spačatku biełarusy pierajechali ŭ Kijeŭ, a zatym u Polšču pa IT-prahramie Poland. Business Harbour. U Mielnikavaj jość polskija karani, praź jakija jana adrazu atrymała pastajanny dazvoł na žycharstva.

U Biełastoku žančyna vučyła polskuju movu, prajektny mieniedžmient i zajmałasia dziećmi. Tam ža pačała aktyŭničać u fondzie «Biełaruś-2020». Hety fond sumiesna z «Krainaj dla žyćcia» ŭ 2020 hodzie arhanizoŭvaŭ u Biełastoku šełtar dla palityčnych uciekačoŭ ź Biełarusi.

Niekalki hod Mielnikava supracoŭničała z Paŭłam Łatuškam. Spačatku jak pierakładčyca i aŭtarka tekstaŭ, paśla — zaniałasia prajektnym mieniedžmientam i stała daradcaj pa stratehičnych pytańniach.

Anžalika Mielnikava, Śviatłana Cichanoŭskaja i Pavał Łatuška na maršy 27 studzienia ŭ Varšavie. Fota: Abjadnany pierachodny kabiniet Biełarusi

U śniežni 2022 hodu jana zasnavała ŭ Polščy fond Belarus Liberty. Pra dziejnaść hetaj arhanizacyi ŭ internecie niašmat infarmacyi. U jaje naziralnuju radu, aproč Mielnikavaj, uvachodzić Uljana Šamietaviec, pradstaŭnička «Kibierpartyzan».

Z mužam Mielnikava raźviałasia praz toje, što toj «pierastaŭ padtrymlivać aktyŭnaść i padzialać pohlady».

U Kaardynacyjnaj radzie Mielnikavu ličyli «čałaviekam Łatuški».

Kamientary12

  • Sieŕjezno?!
    28.03.2025
    "Hłavnaja intriha dnia — tainstviennoje isčieznovienije śpikiera Koordinacionnoho sovieta Anžieliki Mielnikovoj."

    Dla koho, eto "hłavnaja intriha dnia"?
  • Ni kroku nazad!
    28.03.2025
    [Red. vydalena]
  • Niu Jork Tajmz
    28.03.2025
    Hałoŭnaja intryha dnia: chto takaja Anžalika Mielnikava?

Ciapier čytajuć

Vajar ź Biełaruskaha dobraachvotnickaha korpusa: Ja žyŭ u ružovaj burbałcy5

Vajar ź Biełaruskaha dobraachvotnickaha korpusa: Ja žyŭ u ružovaj burbałcy

Usie naviny →
Usie naviny

Tramp abiacaŭ Pucinu razbambić Maskvu k čortavaj maciery, kali Rasija napadzie na Ukrainu6

«Vahnier» zavierbavaŭ ludziej u Łondanie, kab tyja vykrali rasijskaha biznesmiena Čyčvarkina. Adzin ź ich pierapisvaŭsia z «Minsk KGB»6

Jak Tramp vykarystoŭvaje «teoryju varjata», kab mianiać śviet pad siabie. I ŭ jaho atrymlivajecca4

«U vas jość usiaho niekalki chvilin». Što rabić, kali navalnica, urahan abo śmierč zastali na pryrodzie2

Na haradziščy na Miency znajšli frahmient amfary z runaj11

Premjer Danii: ES treba pieraŭzbroicca za hetyja piać hadoŭ2

U Kanadzie raskryta zmova «antyŭradavaha apałčeńnia» z udziełam vajskoŭcaŭ2

Kiraŭnik kadravaj słužby Trampa Sierchia Hor akazaŭsia ŭradžencam Taškienta Siarhiejem Harachoŭskim11

«Samaje pryhožaje śviata leta». Turysty raskazali, jak źjeździli na Kupalle ŭ Sułu3

bolš čytanych navin
bolš łajkanych navin

Vajar ź Biełaruskaha dobraachvotnickaha korpusa: Ja žyŭ u ružovaj burbałcy5

Vajar ź Biełaruskaha dobraachvotnickaha korpusa: Ja žyŭ u ružovaj burbałcy

Hałoŭnaje
Usie naviny →

Zaŭvaha:

 

 

 

 

Zakryć Paviedamić