31 sakavika pravaabaroncy pryznali palitviaźniami jašče 11 čałaviek. Ahulnaja kolkaść ludziej, jakija na siońnia pryznanyja ŭ Biełarusi palitviaźniami, składaje 1208 čałaviek.
U śpis palitźniavolenych byli dadadzienyja nastupnyja proźviščy:
Andrej Šabunia, Mikałaj Sidaraŭ, Vieranika Žałuboŭskaja, Aleh Šyłaŭ, Raman Jemialjanaŭ, Aleh Samarodski, Iryna Stasienka, Jahor Baryskievič, Pavieł Minčyk, Dźmitryj Sidarenka i Dźmitryj Skubiłaŭ.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut i tut.
Śpis usich palitviaźniaŭ Biełarusi — tut.
Usiaho na hety momant palitviaźniami, pavodle acenak pravaabaroncaŭ, pryznanyja 1208 čałaviek. Apošnim časam ahulnaja ich kolkaść istotna nie raście i navat časam źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Niekatorych vyzvalajuć i pa pamiłavańniach, choć na ich miesca niaspynna nabirajuć novych viaźniaŭ. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ bolšaja. Pra niekatorych pravaabaroncam prosta ničoha nie viadoma.
Z kałonii vyzvaliŭsia syn bychaŭskaha piśmieńnika-fantasta Siarhieja Antonava
Šrajbman nazvaŭ try pryčyny, jakija pieraškadžajuć Łukašenku vypuścić palitviaźniaŭ
Kiraŭnik MZS Polščy abmiarkoŭvaŭ u Vašynhtonie vyzvaleńnie žurnalista Andžeja Pačobuta
Suprać pravaabaroncy Leanida Sudalenki zaviali novuju kryminalnuju spravu
«Hłavnoje»: chto staić za najbolšaj sietkaj rehijanalnych telehram-kanałaŭ Biełarusi. Jaje ślady viaduć u Rasiju4
Kamientary