23 sakavika da nas pryjechali hałoŭnyja rok-bałahanščyki Rasii, tvorčaja supołka NOM.
1. NOM —nam!
Da nas jeduć zdymalščyki karatkamietražnaha ściobu «Biełaruskaja byl, hałoŭnyja bałahanščyki Rasii tvorčaja supołka NOM («Niefarmalnaje abjadnańnie moładzi»). Styl ich možna ŭmoŭna nazvać «iraničny rok», a tvorčy mietad sami ŭdzielniki akreślivajuć jak «dramatyzacyja idyjatyčnyjach prajavaŭ rečaisnaści i idyjatyzacyjata dramatyčnych».
«Naša pradstaŭleńni možna nazvać rok-śpiektaklem, — kaža adzin z udzielnikaŭ supołki Siarhiej Kahadziejeŭ. — Buduć pieśni, padčas šou całkam prahučyć albom «Vo imia razuma», i my taksama pakažam svaje videainstalacyi».
Pjesa «Vo imia razuma», jakaja źjaviłasia ŭ 1996 hodzie, u samy rozruch usieahulnaha zapchapleńnia ezaterykaj i «tajamnicami treciaj tabletki», abhulvała estetyku savieckaj kaśmična-pijanierskaj fantastyki.
Akramia pakazu rok-śpiektaklu, udzielniki tvorčaj supołki taksama abiacajuć staryja chity: «7%», «Horod», «Nasiekomyje» dy inš.
2. Biełaruski śled
Arhanizavanyja ŭ dalokim 1987-m, raspadajučysia i ŭźjadnoŭvajučysia, NOM vypuścili kolki albomaŭ, klipaŭ i navat karatkamietražnych filmaŭ. Biełaruskaja tematyka pratačyłasia ŭ tvorčaść supołki ŭ 2006 hodzie. Tady nomaŭcy źniali paŭhadzinnuju nizkabiudžetnuju stužku «Biełaruskaja byl». Hałoŭny hieroj — prosty biełaruski chłopiec Vic'a (mienavita tak rasijcy vymaŭlali hetaje imia) — zavaliŭ 25 frycaŭ i ŭsiaho tolki 40 km. nie dajšoŭ da Berlinu. Vic'a viartajecca dadomu, dzie jaho čakajuć žonka i syn. Paśla jon ŭładkoŭvajecca inspektaram DAI i pačynaje budavać mirnaje žyćcio. A prakarmić jaho zmoža adno vajenny trafej — abmiežavalny znak «40 km», ź jakim Vic'a staić na ŭzbočynie. Tady stužka, u jakoj daścipna ekspłuatavalisia rasijskija stereatypy pra biełarusaŭ, u samoj Biełarusi była pryniataje z uchvałaj.
«Film «Biełaruskaja byl» my zdymali pavodle ŭražańniaŭ ad pajezdki ŭ Biełaruś, — dadaje Siarhiej Kahadziejeŭ. — Viadoma, my nie bačyli, kab biełarusy jeli busłoŭ — heta pierabolšvańnie, ale ŭsio ž my atrymali tut proćmu ŭražańniaŭ, jakija ŭvasobilisia ŭ stužcy. Spadziajemsia, budzie pra što napisać i paśla hetaha vizitu ŭ vašu krainu».
Takim paradkam, tvorčaja supołka NOM. Kłub «Reaktar» Kvitki: 40 000, 45 000 (miesca za stolikam), 50 000 VIP stoliki na 2-m paviersie. Pačatak a 19.
Kamientary