Pradstaŭnica Narodnaj ambasady Biełarusi ŭ Słavienii Alaksandra Mamajeva paviedamiła pra niekalki dobrych navin dla miascovaj biełaruskaj dyjaspary. Siarod ich — pieršy vypadak atrymańnia biełarusam słavienskaha pašparta inšaziemca. Jaho ŭładalnikam staŭ 9-hadovy chłopčyk.
Taksama, pa słovach Alaksandry Mamajevaj, stali viadomyja vypadki, kali dziaržaŭnyja orhany Słavienii nie patrabavali ad biełarusaŭ apastyli, jakija niemahčyma atrymać. Ciapierašniaja aficyjnaja pazicyja Ministerstva ŭnutranych spraŭ hetaj krainy rekamienduje nie patrabavać ad biełarusaŭ daviedak ab niesudzimaści i šlubie, a zamienić ich starymi daviedkami i zajavaj ab niemahčymaści atrymać hetyja dakumienty biaśpiečnym šlacham.
Časovy dazvoł na žycharstva ŭ Słavienii pačali vydavać bieź nieabchodnaści padavać daviedku ab niesudzimaści.
Stała taksama viadoma, što svajakam biełaruskich aktyvistaŭ u Słavienii vydajucca doŭhaterminovyja šenhienskija vizy.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB18
Kamientary