«Кіберпартызаны»: У мужа журналісткі Вольгі Сямашкі сапраўды два пашпарты на розныя імёны
Фёдар Віктаравіч Гарбачоў, муж журналісткі Вольгі Сямашка, мае яшчэ адзін беларускі пашпарт на імя Макавееў Віктар Фёдаравіч. Такія даныя з узломанай беларускай АІС «Пашпарт» далі Reform.news актывісты з ініцыятывы «Кіберпартызаны».
Журналісты звярнуліся да «Кіберпартызанаў», каб пацвердзіць інфармацыю, апублікаваную ўчора «Нашай Нівай».
Сапраўды, у беларускай пашпартнай базе, даныя ў якой актуальныя на канец лета 2021 года, ёсць два пашпарты, выдадзеныя аднаму і таму ж чалавеку. Гэта Фёдар Віктаравіч Гарбачоў (1979-07-30) і Макавееў Віктар Фёдаравіч (1978-07-29). Вольга Сямашка пасля публікацыі расследавання «Нашай Нівы» выклала ў сваім блогу «абвяржэнне». Паводле яе слоў, ні ёй, ні яе мужу «ні пра якія пашпарты прыкрыцця нічога не вядома».
Пара пакінула Беларусь 7 верасня 2020 года. Калі выказаць здагадку, што яшчэ адзін пашпарт стварылі беларускія спецслужбы, каб ачарніць кансультанта па вайсковай гісторыі ў кампаніі Wargaming, то атрымліваецца, што ў спецслужбаў была машына часу і яны загадзя ведалі, што пашпартная база будзе ўзломаная. Іншага тлумачэння ў галаву не прыходзіць.
У беларускіх рэаліях другі пашпарт аднаму і таму ж чалавеку выдаецца ў выключных выпадках, напрыклад, супрацоўнікам спецслужбаў для правядзення спецыяльных аперацый. Таксама пашпарт з змененымі данымі могуць атрымаць набліжаныя да сям’і Аляксандра Лукашэнкі асобы для абыходу санкцый або для сакрэтнага перамяшчэння за мяжой.
-
«Заробак стартаваў з $440». Беларускі расказалі, як працуюць і зарабляюць на Блізкім Усходзе
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
-
«Рукі прэч ад сасісачак!». У сацсетках горача абмяркоўваюць барацьбу Лукашэнкі з кавай на запраўках. Некаторыя заклікаюць дзейнічаць больш жорстка
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука2
Каментары
/Рэдакцыя, прабачце за паўтарэньні/