Deficytu pakul nie budzie: Turcyja admianiła zabaronu na ekspart limonaŭ
Ministr handlu Turcyi Amier Bałat pryniaŭ takoje rašeńnie paśla sustrečy z vytvorcami.
Turcyja admianiła zabaronu na ekspart limonaŭ. Takoje rašeńnie pryniaŭ ministr handlu Amier Bałat paśla sustrečy z čynoŭnikami, deputatami i fiermierami.
«Časovyja abmiežavańni na ekspart limonaŭ byli źniatyja. U najbližejšy pieryjad dynamika cen na ŭnutranym rynku budzie rašuča adsočvacca, i kantrolnyja mierapryjemstvy buduć praciahnutyja», — napisaŭ Bałat u X.
Tureckaja presa paviedamlaje, što zabarona źniataja da 15 maja. Dalej urad budzie prymać rašeńni, zychodziačy z najaŭnaj situacyi.
Tureckija ŭłady raniej paviedamili pra časovuju zabaronu na ekspart limonaŭ z-za zamarazkaŭ. U Biełarusi paśla hetaha zahavaryli pra mahčymy skačok cen abo navat deficyt limonaŭ, pakolki Turcyja — asnoŭny pastaŭščyk hetaj sadaviny.
Kamientary