Minčanka vypłacić kaledžu 40 tysiač rubloŭ za toje, što nie pajechała pa raźmierkavańni
Minčancy daviadziecca viarnuć dziaržavie bolš za 40 tysiač rubloŭ za navučańnie ŭ muzyčnym kaledžy — usio z-za taho, što paśla zakančeńnia vučoby jana nie vykanała abaviazacielstvy pa raźmierkavańni, pišuć Minsk-Naviny.
Z 2014 pa 2018 hod dziaŭčyna navučałasia ŭ Minskim dziaržaŭnym muzyčnym kaledžy imia Hlinki za košt srodkaŭ biudžetu. Paśla hetaha pastupiła ŭ Maskoŭskuju dziaržaŭnuju kansiervatoryju imia Čajkoŭskaha. Niahledziačy na praciah adukacyi, jana była abaviazanaja pa dahavory ź Ministerstvam kultury prajści abaviazkovuju adpracoŭku ŭ Biełarusi. Ale pa viartańni na radzimu ŭ 2023 hodzie vypusknica raźmierkavańnie praihnaravała.
Siamja pasprabavała ŭrehulavać situacyju: maci dziaŭčyny źviarnułasia ŭ kaledž z prośbaj raźličyć sumu, jakuju treba kampiensavać za navučańnie. Ustanova nakiravała raźlik (40 678 rubloŭ) z patrabavańniem vypłacić hrošy ciaham miesiaca. Adnak z boku adkazčycy było viernuta tolki 3000 rubloŭ.
Paśla hetaha spravaj zaniałasia prakuratura, i sud pastanaviŭ spahnać z byłoj studentki astatniuju sumu na karyść miascovaha biudžetu.
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara37
Kamientary