Мінчанка выплаціць каледжу 40 тысяч рублёў за тое, што не паехала па размеркаванні
Мінчанцы давядзецца вярнуць дзяржаве больш за 40 тысяч рублёў за навучанне ў музычным каледжы — усё з-за таго, што пасля заканчэння вучобы яна не выканала абавязацельствы па размеркаванні, пішуць Мінск-Навіны.
З 2014 па 2018 год дзяўчына навучалася ў Мінскім дзяржаўным музычным каледжы імя Глінкі за кошт сродкаў бюджэту. Пасля гэтага паступіла ў Маскоўскую дзяржаўную кансерваторыю імя Чайкоўскага. Нягледзячы на працяг адукацыі, яна была абавязаная па дагаворы з Міністэрствам культуры прайсці абавязковую адпрацоўку ў Беларусі. Але па вяртанні на радзіму ў 2023 годзе выпускніца размеркаванне праігнаравала.
Сям’я паспрабавала ўрэгуляваць сітуацыю: маці дзяўчыны звярнулася ў каледж з просьбай разлічыць суму, якую трэба кампенсаваць за навучанне. Установа накіравала разлік (40 678 рублёў) з патрабаваннем выплаціць грошы цягам месяца. Аднак з боку адказчыцы было вернута толькі 3000 рублёў.
Пасля гэтага справай занялася пракуратура, і суд пастанавіў спагнаць з былой студэнткі астатнюю суму на карысць мясцовага бюджэту.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка10
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары