Jak Bondarava dapamahła sabrać hrošy palitviaźniam. Stryžak raspavioŭ pra nastupstvy pieršakrasavickaha žartu «Našaj Nivy»
1 krasavika «Naša Niva» apublikavała žart pra evakuacyju ź Biełarusi Volhi Bondaravaj. Kiraŭnik fonda «Bajsoł» Andrej Stryžak pahadziŭsia nam padyhrać. Ciapier jon raspavioŭ «Jeŭraradyjo» pra vyniki hetaha.
«U hety dzień u nas była rekordnaja naviedvalnaść sajta. I my sabrali bolš za 3500 jeŭra dla ludziej, jakim patrebnaja dapamoha», — kaža Stryžak.
Jon dadaje, što siońnia nie tak prosta źbirać danaty, i treba šukać mahčymaść vyklikać emocyi, kab čałaviek adhuknuŭsia na prośbu pra dapamohu.
«Płač Jarasłaŭny, što «danaty nie źbirajucca, zbor nie zakryvajecca», nie cikavy nikomu absalutna. I tamu takija voś sposaby pryciahnieńnia ŭvahi ja liču dastupnymi i mahčymymi. Jasna, što jany buduć vyklikać abureńnie, burnyja emocyi, ale danat — heta zaŭsiody emocyja. I mienavita tamu my vykarystali hety mietad. I dziakujučy hetamu zakryli niekalki zboraŭ, jakija inšym sposabam naŭrad ci zakrylisia», — kaža jon.
Taksama, pavodle słoŭ Stryžaka, u hetym hodzie «Bajsoł» užo evakuiravaŭ 29 čałaviek. I praciahvaje hetu pracu.
U sakaviku stała viadoma, što Volhu Bondaravu pasadzili na 13 sutak. Žančyna z 2020 hoda aktyŭna zmahajecca z usim, što padajecca joj pahrozaj dla «ruskaha śvietu» i «tradycyjnych kaštoŭnaściaŭ». Pry hetym jana časta błytaje bierahi, nakidvajučysia z abvinavačvańniami na vysokich čynoŭnikaŭ, siłavikoŭ i navat na členaŭ siamiejnaha kłana samoha Łukašenki.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie24
Kamientary