Amierykanskija biržy ŭźlacieli paśla taho, jak Tramp daŭ zadni chod z pošlinami. Uśled za imi rastuć i azijackija
Paśla taho jak Donald Tramp u sieradu adstupiŭsia ad idei ŭviadzieńnia impartnych pošlin i abviaściŭ pra ich adterminoŭku, ceny na akcyi amierykanskich kampanij rezka pajšli ŭvierch: biržavyja indeksy ŭźlacieli na 8—12% — ale ŭsio roŭna jašče nie adyhrali padzieńnie apošnich dzion, piša Bi-bi-si.
Indeks S&P 500 za dzień vyras na 9,5% — heta samy vialiki dzionny pryrost z 2008 hoda.
Indeks Dow Jones u kancy dnia apynuŭsia na 7,8% vyšej, čym u pačatku.
Indeks akcyj vysokatechnałahičnych kampanij Nasdaq uźlacieŭ bolš čym na 12%. Cana akcyj takoj, naprykład, kampanii, jak Nike, vyrasła na 11%. Nike vyrablaje prykładna pałovu svajoj abutku ŭ Vjetnamie, a Vjetnamu Tramp pahražaŭ 46-pracentnaj pošlinaj.
Akcyi Apple uźlacieli prykładna na 15%.
Pry hetym, niahledziačy na burny rost, indeksy ŭsio roŭna jašče nižej, čym byli da abjavy Trampa pra novyja pošliny ŭ kancy minułaha tydnia. S&P 500, naprykład, ciapier nižej prykładna na 3% i na 8% nižej za najvyšejšy pakazčyk u hetym hodzie.
Donald Tramp u sieradu zajaviŭ, što adkładaje (pa idei ŭžo ŭstupiŭšyja ŭ siłu z poŭnačy) vielizarnyja pošliny na impart z prykładna 60 krain na 90 dzion: zamiest ich dla ŭsich, akramia Kitaja, budzie dziejničać «bazavaja» pošlina ŭ 10%, plus raniej uviedzienyja 25-pracentnyja taryfy na impartnyja aŭtamabili, stal i aluminij.
Azijackija biržy ŭśled za ńju-jorkskaj paśla adkryćcia tarhoŭ ranicaj u čaćvier taksama kinulisia adyhryvać padzieńnie papiarednich dzion, reahujučy na zajavy Trampa.
Praz hadzinu—paŭtary paśla pačatku tarhoŭ japonski indeks Nikkei 225 vyras na 7,6%, paŭdniovakarejski Kospi — na 5%, tajvański Taiex — na 9,25%, aŭstralijski ASX 200 — na 4,6%.
Padrastajuć navat kitajskija biržy, chacia handlovaja vajna Trampa z Kitajem praciahvajecca. Indeks Šanchajskaj biržy SSE Shanghai Composite na adkryćci vyras na 1,3%, indeks biržy Hankonha Hang Seng — na 3%.
Ciapier čytajuć
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary
I, vsie sojuzy s SŠA, po-faktu, razrušieny, drvierije k SŠA potierianno.
Dieprieśsiju i riecieśsiju nikto nie ostanovit i nie otmienit, poka SŠA budut bodaťsia s Kitajem.
doni łapidarnyj mołodca, obmieniał ciełovanije svojeho zada na riecieśsiju i dieprieśsiju mirovoj ekonomiki.