Stała viadoma pra śmierć 22-hadovaha chłopca, jakoha asudzili pa palityčnaj kryminałcy
U 2021 hodzie Raścisłavu Čachoviču prysudzili štraf za hrafici «Sychodź, tarakan, 3%», namalavanyja na prypynkach i kijoskach. Na momant suda chłopiec chvareŭ na ankałahičnaje zachvorvańnie.
Raścisłaŭ Čachovič naradziŭsia 5 vieraśnia 2002 hoda ŭ Viciebsku, tam i žyŭ.
Miarkujučy pa sacsietkach, cikaŭnaści Raścisłava byli, tak by mović, prostyja čałaviečyja — aŭtamabili, muzyka, sport, apracoŭka fota.
Na momant suda, jaki adbyŭsia ŭ listapadzie 2021 hoda, było viadoma, što ŭ Raścisłava ankałohija i 3 hrupa invalidnaści. Jaho vinavacili ŭ tym, što jon u žniŭni-listapadzie 2020 hoda namalavaŭ hrafici na prypynkach i vulicach.
Pa artykule 341 «Apahańvańnie zbudavańniaŭ i psavańnie majomaści» jamu pahražała ad štrafu da 3 hadoŭ kałonii.
Čachoviču dali mienšaje pakarańnie — štraf pamieram 290 rubloŭ. Mahčyma, pryniali va ŭvahu jaho chvarobu.
Sud pryznaŭ jaho hrafici «Sychodź, tarakan, 3%» niepalityčnymi, ale admietna, što milicyja dadała jaho ŭ śpis ekstremistaŭ, kudy za zvyčajnaje «psavańnie majomaści» nie ŭnosiać.
Dakładnaja data śmierci Raścisłava nieviadomaja. U sacsietkach jon nie źjaŭlaŭsia z krasavika 2024 hoda.
Spačuvajem rodnym i blizkim Raścisłava.
«Naša Niva» — bastyjon biełaruščyny
PADTRYMAĆJak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary