Śviet11

Kitaj pieraściaroh krainy ad handlovych pahadnieńniaŭ z ZŠA, jakija mohuć naškodzić Piekinu

Piekin vystupiŭ z rezkaj zajavaj na fonie rostu napružanaści ŭ handlovym kanflikcie z Vašynhtonam i papiaredziŭ partnioraŭ pra nastupstvy damoŭ suprać Kitaja, piša Bloomberg. Takim čynam Kitaj abvastraje supraćstajańnie z Vašynhtonam, a inšyja dziaržavy ryzykujuć być pamiž dvuch ahnioŭ.

Fota: Photo by Cheng Xin / Getty Images

Kitaj zaklikaje krainy śvietu nie iści na takija damoŭlenaści z ZŠA, jakija mohuć paškodzić intaresam Piekina. Ministerstva handlu KNR u aficyjnaj zajavie padkreśliła, što pavažaje prava dziaržaŭ urehulavać ułasnyja sprečki z Vašynhtonam, ale «kateharyčna suprać taho, kab heta adbyvałasia za košt Kitaja».

Kali takija pahadnieńni buduć pryniaty, Kitaj «nikoli nie prymie hetaha i prymie rašučyja miery ŭ adkaz», havorycca ŭ zajavie. Piekin taksama padkreśliŭ svaju hatoŭnaść da «salidarnaści i kaardynacyi z usimi bakami dla supraćdziejańnia adnabakovamu prymusu».

Hetaja zajava prahučała napiaredadni pieramoŭ, u jakich šerah krain imknucca damahčysia źmiakčeńnia abo vyklučeńnia z šyrokamaštabnych taryfaŭ, uviedzienych administracyjaj Donalda Trampa. Vašynhton, u svaju čarhu, damahajecca ad svaich handlovych partnioraŭ źnižeńnia tavaraabarotu z Kitajem i abmiežavańnia jaho vytvorčych mahčymaściaŭ.

Pa infarmacyi Bloomberg, amierykanskija daradcy abmiarkoŭvajuć uviadzieńnie tak zvanych «druhasnych taryfaŭ» — faktyčna sankcyj suprać krain, ciesna źviazanych z Kitajem. Vašynhton taksama choča, kab handlovyja partniory ŭstrymlivalisia ad pahłynańnia liškaŭ tavaraŭ z Kitaja.

Vjetnam užo rychtujecca ŭvieści kantrol nad tavarami, što pastupajuć z Kitaja i nakiroŭvajucca ŭ ZŠA. Padobnyja miery raniej užo vyklikali žorstkuju reakcyju Piekina: u 2016 hodzie Kitaj uvioŭ sankcyi suprać Paŭdniovaj Karei paśla jaje zhody na raźmiaščeńnie amierykanskaj supraćrakietnaj sistemy Thaad.

Akramia palityčnych ryčahoŭ, Kitaj vykarystoŭvaje i ekanamičnyja. Jon abmiežavaŭ ekspart stratehičnych materyjałaŭ, u tym liku haliju i hiermaniju, što važnyja dla vajennaj i technałahičnaj industryi ZŠA. Apošnim časam Piekin uvioŭ dadatkovy kantrol nad prodažam redkaziamielnych elemientaŭ, jakich jon źjaŭlajecca viadučym pastaŭščykom u śviecie.

U adkaz na amierykanski cisk Kitaj aktyvizavaŭ i dypłamatyju: niadaŭna staršynia Si Czińpin naviedaŭ Vjetnam, Małajziju i Kambodžu z metaj umacavańnia supracoŭnictva ŭ rehijonie i farmiravańnia «azijackaj siamji», zdolnaj procistajać handlovamu nacisku z boku ZŠA.

Kitaj daje zrazumieć: u handlovaj vajnie z Vašynhtonam jon čakaje ad svaich susiedziaŭ i partnioraŭ nie tolki niejtralitetu, ale i padtrymki.

Kamientary1

  • Andrew
    21.04.2025
    A vsie eti problemy iz-za odnoj tupoj ryžiej amierikanskoj osobi, vozomnivšiej siebia choziainom mira!
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ1

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ

Usie naviny →
Usie naviny

«Rak prosta zdarajecca. Nichto ŭ im nie vinavaty»22

Navukoŭcy Akademii navuk nazvali spraviadlivuju canu na biełaruskuju bulbu9

U Vjetnamie karalevu pryhažości aryštavali za padman z cukierkami

Zatrymali 11 mieniedžaraŭ sietki sekand-chendaŭ «Adzieńnie ź Jeŭropy»6

Pad Minskam źjavicca novaja daroha. Jaje košt aceńvajecca ŭ miljon dołaraŭ2

Vieteranu z Hrodna 97 hadoŭ — u 1945-m achoŭvaŭ most pad Nižnim Noŭharadam, a paśla vajny zmahaŭsia z «banderaŭcami»26

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

Čarhovy biełaruski trenier uznačaliŭ kiprski «Arys»

bolš čytanych navin
bolš łajkanych navin

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ1

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić