Ekanomika44

Biełaruski «Pielenh» sudzicca z pradpryjemstvam rasijskaha VPK za daŭhi

Biełaruskaje pradpryjemstva «Pielenh», jakoje pastaŭlaje Rasii vajskovuju optyku, patrabuje praz sud bolš za 3 miljony biełaruskich rubloŭ ad rasijskaha vytvorcy elektroniki. Toj taksama pracuje z Uzbrojenymi siłami RF, piša «Lusterka».

Fota: BiełTA

U Arbitražnym sudzie Rastoŭskaj vobłaści razhladajuć adrazu try pazovy ad biełaruskaha pradpryjemstva «Pielenh» da rasijskaha navukova-vytvorčaha kompleksu «Bartavyja intelektualnyja sistemy». Usie jany byli padadzienyja ŭ studzieni hetaha hoda, vynikaje sa źviestak rasijskaha sajta «Elektronnoje pravosudije».

U ahulnym liku biełaruski zavod sprabuje spahnać sumu, ekvivalentnuju krychu bolš čym 3 miljonaŭ biełaruskich rubloŭ (pa kursie Nacbanka Biełarusi na 21 krasavika). U dvuch vypadkach heta zapazyčanaść pa damovach, zaklučanych u studzieni i žniŭni 2022 hoda, i jašče ŭ adnym — za 2019-y.

Pakul sud paśpieŭ razhledzieć tolki adnu spravu z troch, adnak rabiłasia heta ŭ zakrytym pracesie, tamu rašeńnie nie apublikavali.

Pradpryjemstva «Bartavyja intelektualnyja sistemy» vyrablaje radyjoelektronnuju aparaturu, a taksama elektronnyja drukavanyja płaty. Jano supracoŭničaje z Uzbrojenymi siłami RF. Hetaja kampanija taksama ŭdzielničała ŭ rasijskim technałahičnym konkursie ŭ halinie stvareńnia bieśpiłotnych transpartnych srodkaŭ.

Sam biełaruski «Pielenh» supracoŭničaje z rasijskim vajskova-pramysłovym kompleksam. U pryvatnaści, jon adpraŭlaje ŭ Rasiju pryceły dla tankaŭ, bajavych mašyn, supraćtankavych kompleksaŭ i sistem SPA, aŭtamataŭ, minamiotaŭ, hranatamiotaŭ. BELPOL raskryŭ schiemy ŭ pastaŭkach vajskovaj optyki.

Pradpryjemstva «Pielenh» na 48,9% naležyć dziaržavie. Praz rasijskuju ahresiju suprać Ukrainy jano znachodzicca pad sankcyjami Jeŭrasajuza, ZŠA, Vialikabrytanii i Ukrainy. 

Kamientary4

  • Žnivień
    21.04.2025
    Pasobniki zabojcaŭ sudździaca z zabojcami .Tut možna tolki rahatać.
  • Aleś
    21.04.2025
    Cha-cha! Kryvavyja hrošy ŭ Rašy skončylisia - čas pryzvyčajvacca da niepłaciažoŭ nadyjšoŭ i da biełaruskich pastaŭščykoŭ VPK krainy-ahresarki. Nu pieramoža Pielenh u rasiejskim sudzie i što dalej? Spahnaje hrošy albo zabankrucić rasiejskaha debitora? - nie. Bo bankrucić pradpryjemstvy rasiejskaha VPK u Rasiei pad čas vajny niemahčyma navat ajčynnym kredytoram. Tyj ža Alfa-Bank dvojčy sprabavaŭ zbankrucić vytvorcu rasiejskaj braniatechniki Urałvahonzavod - biespaśpiachova. Chvala niepdłaciažoŭ z boku pradpryjemtsvaŭ rasiejskaha VPK biełaruskim kontrahientam budzie tolki pašyracca. Tamu raju administracyi Pielenha pačynać chucieńka kidać ŭłasnych pastaŭščykoŭ i dumać, ź jakich hrošaŭ vypłočvać zarobki pracujučym na Pielenhu chataskrajnikam i łukašystam, atrymlivajučym hrošy na śviadomaj vytvorčaści zbroi, jakaja užo bolš za try hady zabivaje ŭkraincaŭ.
  • Andruś
    21.04.2025
    Heta kaža pra toje, što ŭ rasii nie tolki bajazdolnaj armii niama, ale i hrošy na VPK skončvajucca. A niechta tut jašče razvažaŭ pra toje, što rasija moža padtrymać Kitaj u supraćstajańni sa ZŠA i tamu, maŭlaŭ, Tramp choča pieraciahnuć rasiju ŭ svaje chaŭruśniki.
    Jaje - rasiju - zaraz samy čas dabić, pazbaviŭšy śviet adnoj z samych niebiaśpiečnych hłabalnych pahrozaŭ. Nie spyniać vajnu treba, a nadać Ukrainie stolki i takoj jakaści zbroi, kab jana mahła vyzvalić svaje akupavanyja terytoryi i pahnać rasijcaŭ da maskvy. A tam niachaj dałučajucca paniavolenyja narody rasii, zdabyvajuć niezaležnaść i razburajuć apošniuju impieryju płaniety.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Usie naviny →
Usie naviny

Vieteranu z Hrodna 97 hadoŭ — u 1945-m achoŭvaŭ most pad Nižnim Noŭharadam, a paśla vajny zmahaŭsia z «banderaŭcami»19

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

Čarhovy biełaruski trenier uznačaliŭ kiprski «Arys»

Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?9

Adzinaccać hadoŭ Łukašenka raźvivaje harady-spadarožniki. Pakul atrymlivajecca nie vielmi

U ES uzhadnili admienu štampaŭ na miažy Šenhienu1

Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»13

Biełarus znajšoŭ na nabytym učastku dziŭnyja rečy na vypadak apakalipsisu1

bolš čytanych navin
bolš łajkanych navin

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Hałoŭnaje
Usie naviny →

Zaŭvaha:

 

 

 

 

Zakryć Paviedamić