«Turecki akcior» mocna zakachaŭsia ŭ biełarusku i pasłaŭ joj padarunak. Zaviedziena kryminałka
Žančyna raskazała śledčym, što nie viedała pra taki sposab machlarstva.
U studzieni 2025 hoda 52-hadovaja žycharka Viciebska paznajomiłasia ŭ tyktoku z mužčynam. Jon pradstaviŭsia nibyta viadomym tureckim akcioram. Surazmoŭca chutka staŭ sypać kamplimientami, pryznavaŭsia ŭ šalonym kachańni i ŭvieś čas pisaŭ paviedamleńni.
Na Vialikdzień, 21 krasavika, jon paviedamiŭ, što dasłaŭ kachanaj pasyłku z padarunkam. Kab zacikavić žančynu, skidvaŭ fota — nibyta tam byli darahija juvielirnyja ŭpryhažeńni.
U toj ža dzień joj pryjšło paviedamleńnie: kab atrymać pasyłku, treba spłacić try tysiačy rubloŭ. Žančyna adkazała, što nie maje takich hrošaj. «Akcior» skazaŭ, što sam užo ŭsio apłaciŭ adpraŭleńnie, a joj treba tolki daapłacić za atrymańnie.
Na nastupny dzień žančyna pajšła ŭ bank, kab pieraličyć hrošy. Supracoŭnica banka zaŭvažyła, što rachunak — litoŭski, pačała raspytvać, što zdaryłasia. Vysłuchaŭšy historyju, žančyna vyklikała milicyju.
Padčas dopytu žančyna pryznałasia, što ščyra vieryła ŭ kachańnie «akciora» i pra takija schiemy machlarstva nikoli nie čuła. Jaje telefon pravieryli, pierapisku z machlarom dałučyli da materyjałaŭ spravy.
Zaviedziena kryminalnaja sprava pavodle artykułaŭ pra sprobu machlarstva.
Kamientary