Tak vyhladaje samaja biudžetnaja adnapakajovaja kvatera ŭ Minsku
Adnapakajovaja kvatera ŭ Masiukoŭščynie, pra jakuju pojdzie havorka, vyklikaje roznyja emocyi, piša Onliner.by.
Z adnaho boku, cana na abjekt davoli pryvabnaja: stać uładalnikam staličnaj «adnuški» možna za $45 tysiač pa kursie. Ź inšaha boku, płošča ŭ jaje kampaktnaja — usiaho 21 «kvadrat», tamu pry pieraliku cany za mietr jana ŭžo nie zdajecca takoj biudžetnaj.
Na hety raz samaja tannaja adnapakajovaja kvatera raźmiaściłasia ŭ cahlanym piacipaviarchoviku 1970 hoda na vuł. Čyhładze, 8, na apošnim paviersie.
Jaje ahulnaja płošča — 21,5 mietra, žyłych — 11. Na kuchni taksama asabliva nie razhulaješsia: jana zajmaje ŭsiaho 5,2 «kvadrata». Sanvuzieł sumieščany. Niahledziačy na nievialikija pamiery, u kvatery jość niezašklony bałkon.
Varta mieć na ŭvazie, što ŭ ramont budučym uładalnikam daviadziecca ŭkłaścisia: jaho tut prosta niama.
Kapitalny ramont u piacipaviarchoviku paśpiachova prajšoŭ u 2017 hodzie. Inžyniernyja kamunikacyi byli zamienienyja, fasad uciepleny i pafarbavany.
Dom raźmieščany ŭ miescy z raźvitaj infrastrukturaj. Pobač znachodzicca 2-je kalco i dźvie bujnyja raźviazki.
U krokavaj dastupnaści — prypynki hramadskaha transpartu. Da mietro «Puškinskaja» ŭsiaho 15 chvilin.
Čamu Cichanoŭskaja nie pajechała na pachavańnie Papy?23
Kamientary