U siecivie raspaŭsiudžvajecca videa ź vichrom, zaŭvažanym minčukami ŭdzień 26 krasavika ŭ rajonie Daŭhinaŭskaha traktu. Ci byŭ heta śmierč, daviedałasia ahienctva «Minsk-Naviny».
Videa vidavočcaŭ vyvučyli śpiecyjalisty ź Biełhidramieta, jakija zasumniavalisia ŭ vyznačeńni pryrodnaj źjavy:
«Pakolki siońnia dniom umovy nadvorja ŭ Minsku vyznačalisia chałodnaj niaŭstojlivaj pavietranaj masaj, jakaja praduhledžvaje raźvićcio kučava-daždžavoj vobłačnaści, to isnavała vierahodnaść rezkaha škvalistaha ŭzmacnieńnia vietru. Adnak vichor na videa nie apuskajecca z kučava-daždžavoha vobłaka, a, naadvarot, pryŭzdymajecca z pavierchni ziamli, što adpaviadaje kryteram pylnaha vichra».
Va ŭstanovie adznačyli, što takaja łakalnaja źjava ŭjaŭlaje saboj vichravy ruch pavietra dyjamietram da 5 m i vyšynioj da 20 m, jaki ŭźnikaje kala pavierchni Ziamli dniom u vyniku soniečnaha prahrevu. Jaho praciahłaść składaje niekalki chvilin.
Śmierč ža — heta mocny małamaštabny (dyjamietram ad 10 da 1500 m) vichor ź viertykalnaj vośsiu kručeńnia, jaki farmujecca pad kučava-daždžavymi abłokami i maje praciahłaść isnavańnia až da niekalkich hadzin.
«Čaściej za ŭsio śmierčy nazirajucca ŭ ciopły čas hoda, kali ŭ atmaśfiery adznačajecca mocnaja niaŭstojlivaść, jakaja charaktaryzujecca najaŭnaściu zon aktyŭnaj kanviektyŭnaj i navalničnaj dziejnaści. Pry hetym adznačajecca najaŭnaść ciopłych i vilhotnych patokaŭ u nižniaj častcy atmaśfiery i suchich patokaŭ u jaje vierchniaj častcy. Najbolš časta takija ŭmovy farmujucca pry prachodžańni chałodnych atmaśfiernych frantoŭ», — reziumavali śpiecyjalisty.
Darečy, pavodle infarmacyi MNS, nijakich incydentaŭ, źviazanych ź vichrom, u stalicy nie zafiksavana.
Ciapier čytajuć
Łukašenka pra pavietranyja šary ź Biełarusi: Ja razmaŭlaŭ ź lotčykami, dla samalotaŭ nijakaj prablemy niama4
Łukašenka pra pavietranyja šary ź Biełarusi: Ja razmaŭlaŭ ź lotčykami, dla samalotaŭ nijakaj prablemy niama
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2323
Kamientary