Łaŭroŭ zajaviŭ, što Rasija admovicca pieradać Zaparožskuju AES pad kiravańnie ZŠA
Rasija nie atrymlivała ad ZŠA prapanoŭ ab pieradačy kiravańnia AES, a kali i atrymaje, to zajavić, što pieradača kantrolu niemahčymaja.
Pra heta zajaviŭ u intervju CBS ministr zamiežnych spraŭ Rasii Siarhiej Łaŭroŭ.
«Nie, my nie atrymlivali takoj prapanavy, a kali i atrymajem, to patłumačym, što kiravańnie Zaparožskaj AES znachodzicca ŭ rasparadžeńni rasijskaj dziaržaŭnaj karparacyi «Rasatam», pad nahladam piersanału MAHATE, jaki pastajanna prysutničaje na abjekcie i ažyćciaŭlaje manitorynh», — skazaŭ Łaŭroŭ.
Ministr taksama dadaŭ, što «AES znachodzicca ŭ nadziejnych rukach».
Nahadajem, što pieradača Zaparožskaj AES pad kantrol ZŠA była adnym z asnoŭnych punktaŭ prajekta mirnaj damovy, prapanavanaj pradstaŭnikami Donalda Trampa. Jana taksama praduhledžvaje pryznańnie Kryma častkaj Rasii i zamacavańnie linii frontu, što dazvolić Pucinu zachavać amal usie zachoplenyja terytoryi. Ukraina ž, pavodle ŭmoŭ, nie atrymaje amal nijakich vyraznych harantyj biaśpieki ad ZŠA.
Ciapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1010
Kamientary