Hramadstva22

90 hadzin u čarzie. Kałaps na miažy z Polščaj praciahvajecca

Z-za vialikich vychodnych situacyja na biełaruska-polskaj miažy zastajecca napružanaj. Raskazvajem, kolki času idzie na pierasiačeńnie miažy na aŭto i aŭtobusie.

Ilustracyjny zdymak. Fota: granica_bypl/ Telegram

90 hadzin na aŭto

Pa stanie na 16 hadzin paniadziełka, vyjezdu ź Biełarusi ŭ Polšču ŭ adzinym dziejnym pasažyrskim punkcie propusku «Brest — Tarespal» čakajuć 1680 lehkavych aŭto i 95 aŭtobusaŭ. 

Čałaviek, jaki siońnia kala 15-j hadziny pierasiek biełaruska-polskuju miažu na lehkavym aŭto, raskazaŭ, što ad momantu rehistracyi ŭ čarzie da zajezdu na punkt propusku ź biełaruskaha boku prajšło 86 hadzin. Z ulikam prachodžańnia miažy atrymałasia bolš za 90 hadzin.

Atrymlivajecca, što 28 krasavika miažu pierasiakajuć tyja, chto zaniaŭ čarhu 24-25 krasavika. 

A voś u zvarotnym kirunku čarhi ciapier naadvarot niama.

Skrynšot: granica_bypl / Telegram

Tyja, chto siońnia dniom viartaŭsia z Polščy ŭ Biełaruś, pierasiakali abiedźvie miažy za 1,5-2 hadziny.

Aŭtobusam tolki ź pierasadkami

Padarožnica, jakaja vyjechała z Hrodna ŭ niadzielu a 22-j viečara, u Polšču trapiła tolki a 14:30 paniadziełka. I heta dziakujučy tamu, što pa pryjeździe na miažu jana sa svajho aŭtobusa, jaki byŭ sotym u čarzie, pierasieła ŭ treci. Zapłaciła za heta 50 dalaraŭ.

U padarožnika ź Minska šlach da Polščy zaniaŭ na hadzinu bolš. Schiema takaja samaja. Aŭtobus byŭ 97-m u čarzie, ale čałavieku atrymałasia pierasieści ŭ treci ad šłahbaŭma.

Skrynšot: granica_avtobusom_BY_PL / Telegram

Ahułam, pa nazirańniach ludziej, na prachodžańnie samoj miažy aŭtobusam sychodzić pa 12-15 hadzin.

Na zvarotnym šlachu čarhi z aŭtobusaŭ taksama niama. 

Rakiroŭka kiroŭcaŭ

Niekatoryja padzialilisia cikavym nazirańniem, što polskija kiroŭcy aŭtobusaŭ u pikavyja dni nie chočuć jechać u Biełaruś, tamu mianiajucca ź biełaruskimi kiroŭcami. 

Schiema pracuje tak: polski kiroŭca jedzie da Tarespala, dzie čakaje, pakul hranicu pierasiače aŭtobus, jaki jedzie ź Biełarusi. Biełarus pierasadžvajecca ŭ aŭtobus, jaki jedzie ŭ Biełaruś, a palak siadaje za styrno aŭtobusa, jakije jedzie dalej u Polšču. 

Robiać jany heta dziela taho, kab potym pa niekalki dzion nie siadzieć u čarzie na vyjezd ź Biełarusi ŭ Polšču. Dziakujučy takoj schiemie, abodva kiroŭcy chutčej viartajucca dadomu.

Što na bałtyjskim kirunku?

Na litoŭskim kirunku napružanaść pačała spadać. Kali a poŭnačy 28 krasavika vyjezdu ź Biełarusi ŭ Litvu ŭ «Bieniakoniach» čakali kala 100 lehkavych mašyn, to paśla abiedu čarha źmienšyłasia da 30 mašyn.

Čarha ŭ «Bieniakoniach» 28.04.2025. Skrynšot z sajta gpk.gov.by

A voś u «Kamiennym Łozie» ŭvieś dzień situacyja zastajecca stabilnaj. Ciaham nočy i dnia ŭ čarzie staić kala 70 lehkavych mašyn.

Čarhi z aŭtobusaŭ na vyjezd ź Biełarusi ŭ Litvu niama ŭ abodvuch punktach propusku. 

Na łatvijskim kirunku z nočy 28 krasavika čarhi niama, jak z aŭtobusaŭ, tak i ź lehkavikoŭ. 

Kamientary2

  • Luther Alison Boston
    28.04.2025
    samaje prykraje što kiroúcy biaruć pa 100 dalaraú za prajezd ź Bieraścia da Terespala .
  • Sinij traktor
    28.04.2025
    Kak po mnie, tak eto vieśma somnitielnoje udovolstvije jezdiť na prazdniki v Polšu ili obratno.
    Łučšie už otpusk v druhoje vriemia vziať i nie tratiť po nieskolko sutok na hranicie

Ciapier čytajuć

Što viadoma pra biełarusa, jaki zahinuŭ la Elbrusa8

Što viadoma pra biełarusa, jaki zahinuŭ la Elbrusa

Usie naviny →
Usie naviny

Biełaruski turyst źnik na Elbrusie1

Zvolnili načalnicu miedčaści kałonii Babrujska — jaje abvinavačvaŭ błohier Jermašuk7

Pad Minskam stvaryli Park ledavikovaha pieryjadu

Izrailskaja armija zaklikała žycharoŭ Hazy evakujavacca ŭ «humanitarnuju zonu»1

Illa Čarapko-Samachvałaŭ pakidaje «Piatlu prychilnaści»1

Viačorka: Kali sapraŭdy buduć vyzvalenyja 1300—1400 čałaviek, heta budzie vialikaja pieramoha dla Biełaha doma, Trampa i svabodnaj Biełarusi17

U Minsku DAI haniałasia za padletkami na elektrasamakatach2

Iłan Mask moža stać pieršym u historyi tryljanieram — Tesla prapanavała rekordny kantrakt3

U Rasii zatrymali francuzskaha viełasipiedysta. Jon chacieŭ pabić suśvietny rekord, prajechaŭšy ad Lisabona da Uładzivastoka3

bolš čytanych navin
bolš łajkanych navin

Što viadoma pra biełarusa, jaki zahinuŭ la Elbrusa8

Što viadoma pra biełarusa, jaki zahinuŭ la Elbrusa

Hałoŭnaje
Usie naviny →

Zaŭvaha:

 

 

 

 

Zakryć Paviedamić