U Viciebsku milicyja sabrała bolš za dziasiatak taksistaŭ z Turkmienistana, kab pryhrazić im vysyłkaj
U Pieršamajskim rajonie Viciebska milicyja arhanizavała prafiłaktyčnuju sustreču z hramadzianami Turkmienistana, jakija pracujuć taksistami, paśla taho, jak adnaho ź ich vysłali z krainy za parušeńni pravił darožnaha ruchu i inšyja administracyjnyja parušeńni. Milicyja pryhraziła im vysyłkaj i zabaronaj na ŭjezd.
Bolš za dziasiatak taksistaŭ z Turkmienistana, jakija pracujuć u Viciebsku, sabrali ŭ aktavaj zale Pieršamajskaha RAUS, kab tyja asabista vysłuchali papiaredžańnie z boku milicyi. Pryčynaj stała sprava ich suajčyńnika — 38-hadovaha kiroŭcy, jaki byŭ vysłany ź Biełarusi. Jak raspaviała načalnica adździeła pa hramadzianstvie i mihracyi major Volha Karalova, u lutym hety čałaviek spravakavaŭ DTZ i raniej pryciahvaŭsia da administracyjnaj adkaznaści.
U vyniku mužčynu vysłali ź Biełarusi, i jamu zabaroniena ŭjazdžać u krainu ciaham troch hadoŭ.
Prysutnych papiaredzili, što ŭ vypadku parušeńniaŭ, «vydvareńnie budzie niepaźbiežnym».
Padpałkoŭnik milicyi Taćciana Źvierava zajaviła mihrantam, što «dazvoł na pražyvańnie — heta nie pryvilej, a adkaznaść».
Tema pracoŭnaj mihracyi vybuchnuła ŭ Biełarusi paśla zajavy Alaksandra Łukašenki, što jon choča zaprasić u krainu da 150 tysiač čałaviek z Pakistana. Takaja kolkaść mihrantaŭ — biesprecedentnaja dla Biełarusi. U toj ža čas z krainy, pa roznych acenkach, praz represii, jakija nie spyniajucca z 2020 hoda, vymušana źjechali da paŭmiljona biełarusaŭ.
Ciapier čytajuć
Što robiać ź biełarusami, jakich aryštavali, ale nie paśpiavajuć asudzić za pratesty. Jość dva šlachi4
Kamientary
...
Paśla jany pryjšli da taksistaŭ..."
Vysłali kiroŭcu, jaki spravakavaŭ DTZ, heta jasna. A hetym za što papiaredžańnie? Tamu što taksama taksisty i z toj ža krainy?