Biełaruska viarnułasia ŭ viosku paśla 20 hadoŭ žyćcia ŭ Aŭstryi i robić kaziny syr
«Ciapier nie ŭjaŭlaju siabie bieź biełaruskaj vioski».
Natalla Strok — haspadynia kazinaj fiermy ŭ vioscy Vysokaje Biarozaŭskaha rajona. Pražyŭšy 20 hadoŭ u aŭstryjskim miastečku na bierazie Dunaja, jana viarnułasia na małuju radzimu muža, piša sb.by.
12 pieršych koz źjavilisia ŭ haspadarcy viasnoj 2021-ha. Ciapier na fiermie žyvie bolš za 100 žyvioł siami roznych parod. 60 ź ich treba dvojčy ŭ dzień daić. Dla hetaha pabudavali piać śpiecyjalnych stankoŭ — kab padčas dojki nie hnuć śpinu dajarcy.
Znajomiačy sa svaimi kozami, Natalla raskazvaje, što hałoŭnaja ź ich — Beła.
«A Natašku nazvała ŭ honar siabie lubimaj. Jana da mianie padobnaja: z vyhladu cichaja, a zaŭsiody zrobić toje, što zadumała».
Kožnaja kaza štodnia daje da dvuch litraŭ małaka. Z małaka Natalla robić piać hatunkaŭ miakkaha kazinaha syru. Šaryki pakujucca ŭ nievialikija słoički z raślinnym alejem. Kaža, što sprava prybytkovaja.
Natalla — dačka vajennaha, siamja žyła ŭ Vienhryi. Potym baćki pierajechali ŭ Biarozaŭski rajon. Nataša zastałasia, vyjšła zamuž, a kali raźviałasia, taksama pierajechała na Biarozaŭščynu. Arhanizavała tut makaronnuju fabryku, restaran, kandytarski cech. A potym vyjšła zamuž u druhi raz, za Ivana Stroka ź vioski Stryhiń, i źjechała ź im u Aŭstryju.
Tłumačyć, čamu viarnułasia.
«Pastareła, mabyć. Naradziŭšysia i vyrasšy ŭ horadzie, pažyŭšy ŭ Jeŭropie, ciapier nie ŭjaŭlaju siabie bieź biełaruskaj vioski. Biez pavietra, jakoje pachnie ihlicaj. Biez Sporaŭskaha bałota. Bieź lubimych koz».
«U Aŭstryi dobryja ludzi, ale jany inšyja. U nas mała ahulnaha: roznaja palityka, roznaja kuchnia…» — zaŭvažaje žančyna.
Usie jaje čaćviora dziaciej žyvuć u Aŭstryi. Pryjazdžajuć dapamahać. Spačatku pracavaŭ starejšy Alaksandr, potym hod ŭnikaŭ u sutnaść spraŭ małodšy Ivan. Ciapier Natalla čakaje muža ŭ pamočniki.
-
Ivan Prus raskazaŭ, jak nažyŭsia na 200 dalaraŭ, pasialiŭšy kinazorku va ŭbitaj kvatery kala zvałki ŭ Šabanach, abstaŭlenaj rečami ź jaho internata
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary