Paśla pravalnych prezidenckich vybaraŭ pajšoŭ u adstaŭku premjer Rumynii
Rumynski premjer-ministr i lidar Sacyjał-demakratyčnaj partyi Rumynii Marčeł Čałaku abjaviŭ pra svaju adstaŭku na fonie pravalnych vynikaŭ pieršaha tura vybaraŭ prezidenta dla ŭznačalenaj im kaalicyi, paviedamlaje «Jeŭrapiejskaja praŭda».
Paśla pasiadžeńnia kiraŭnictva Sacyjał-demakratyčnaj partyi Rumynii Čałaku abviaściŭ, što ŭviečary 5 maja padaść u adstaŭku z pasady premjer-ministra. Jon adznačyŭ, što ministry jahonaj partyi abmiarkujuć z pradstaŭnikami inšych palitsiłaŭ kaalicyi, ci buduć jany zastavacca časovymi členami ŭrada.
Pra mahčymaść vychadu sacyjał-demakrataŭ z kaalicyi Čałaku zajaŭlaŭ raniej.
«Hetaja kaalicyja nie źjaŭlajecca lehitymnaj, pakolki jaje kandydat nie vyjšaŭ u druhi tur», — ličyć kiraŭnik urada Rumynii.
Čałaku dadaŭ, što budučy rumynski prezident, jakoha abiaruć 18 traŭnia, «razam z partyjami, jakija mohuć stvaryć bolšaść u parłamiencie, vyrašyć, chto budzie kiravać krainaj i chto stanie premjer-ministram».
Paśla pryniaćcia adstaŭki Čałaku vykanaŭca abaviazkaŭ prezidenta Rumynii Ilije Bałažan pavinien pryznačyć časovaha premjera. ŚMI raniej pisali, što im moža stać ministr adukacyi Daniel David.
4 maja ŭ Rumynii prajšoŭ pieršy tur prezidenckich vybaraŭ, pavodle vynikaŭ jakoha pieramohu atrymaŭ lidar rumynskich ultrapravych Džordže Simijon, jaki nabraŭ 40,94%. Libieralny mer Bucharesta Nikušar Dan, jaki zaniaŭ druhoje miesca, maje 20,99%.
Ultrapravy palityk pieramoh u pieršym tury pieravybaraŭ u Rumynii. U jaho ažno 41%
Vybary ŭ Rumynii: u pieršym tury lidziruje kandydat-nacyjanalist
U Rumynii znoŭ prachodziać prezidenckija vybary. Pieršaja sproba nie ŭdałasia z-za padazreńniaŭ ab rasijskim umiašańni
Na vybarach u Rumynii za vychad u druhi tur zmahajucca nacyjanalist, libierał i kansiervatar
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary