Śviet44

Prezidentka Jeŭrakamisii abviaściła ab zaviaršeńni ery rasijskich nafty i hazu ŭ Jeŭropie

Era rasijskich vykapniovych enierhanośbitaŭ u Jeŭropie «padychodzić da kanca», zajaviła prezidentka Jeŭrapiejskaj kamisii Ursuła fon der Lajen, adkryvajučy debaty adnosna spraviadlivaha miru dla Ukrainy ŭ Jeŭraparłamiencie 7 traŭnia. Pra heta paviedamlaje Ukrainskaja słužba «Radyjo Svaboda».

Ursuła fon der Lajen. Fota: AP

Admovu ad rasijskaha vykapniovaha paliva kiraŭnica Jeŭrakamisii nazvała adnym z troch važnych momantaŭ dla dasiahnieńnia praciahłaha miru va Ukrainie.

Jana adznačyła, što da poŭnamaštabnaha ŭvarvańnia krainy ES płacili Rasii za enierhanośbity 12 miljardaŭ jeŭra ŭ miesiac. Ciapier hetaja suma składaje 1,8 miljarda. Dola impartu hazu z Rasii źniziłasia z 45% da 13%. Impart nafty skaraciŭsia ŭ dziesiać razoŭ.

«Niekatoryja dahetul kažuć, što nam varta znoŭ «adkryć kran» dla rasijskich hazu i nafty», — adznačyła prezidentka Jeŭrakamisii, vidavočna, majučy na ŭvazie Słavakiju i Vienhryju, jakija supraciŭlajucca admovie ad rasijskich enierhanośbitaŭ. Jana vykazała pierakanańnie, što takoje rašeńnie było b histaryčnaj pamyłkaj, i ES nie dazvolić hetamu zdarycca:

«Rasija nieadnarazova dakazvała, što nie źjaŭlajecca nadziejnym pastaŭščykom. Pucin užo spyniaŭ pastaŭki hazu ŭ Jeŭropu ŭ 2006, 2009, 2014, 2021 hadach i na praciahu vajny. Kolki jašče treba razoŭ, kab zrabić vysnovy? Zaležnaść ad Rasii škodzić nie tolki našaj biaśpiecy, ale i našaj ekanomicy. Našy enierhietyčnyja ceny nie mohuć vyznačacca varožym susiedam».

Fon der Lajen taksama padziakavała ZŠA za dapamohu z zakupkaj zvadkavanaha pryrodnaha hazu ŭ pačatku poŭnamaštabnaha rasijskaha ŭvarvańnia va Ukrainu.

«Dziakujučy partnioram my pamienšyli zaležnaść ad Rasii. Uspomnim: my pamiatajem, jak ZŠA nieadkładna pryjšli na dapamohu sa zvadkavanym pryrodnym hazam padčas kryzisu», — skazała jana.

U toj ža čas siarod słužbovych asob Jeŭrasajuza ciapier jość peŭnaja zaniepakojenaść tym, što ŭžo bolš za pałovu zvadkavanaha hazu błok kuplaje mienavita ŭ ZŠA, što nie vielmi adpaviadaje palitycy dyviersifikacyi pastaŭščykoŭ.

Napiaredadni Jeŭrakamisija pradstaviła płan, jaki dazvolić razryvać užo padpisanyja z Rasijaj hazavyja kantrakty, kab pazbavicca zaležnaści ad rasijskaha vykapniovaha paliva da 2027 hoda. Zhodna z novym płanam, pastanova ab zabaronie kupli rasijskaha hazu i nafty moža prymacca ŭ ramkach palityki handlu, dla zaćviardžeńnia jakoj dastatkova hałasoŭ bolšaści krain-členaŭ. Heta značyć, što ich nie zmohuć vietavać Vienhryja i Słavakija.

Kamientary4

  • Skažycie mnie,
    07.05.2025
    a moža admienim sankcyi?
    A to ŭ druha Vovy dachody imknucca da nula, VUP užo padaje, pakupnickaja zdolnaść taksama. Samaja para druhu Hrihoŕjeviču i kapiejku zarabić, i druha Vovu vyručyć.
  • Filipp
    07.05.2025
    Fajna być prezidentkaj Eŭropy i vyrašać jaje los, kali ciabie nichto ni abiraŭ i ni jakaj adkaznaści!
  • Remainder
    08.05.2025
    Čamu maderatary tak zaciata nie prapuskajuć kamienar z nahadam i spasyłkaj, dzie bačna, jak u 2018 hodzie ŭ AAN Tramp papiaredžvaŭ niemcaŭ pierad zaležnaściu da Rasii ŭ płanie enierharesursaŭ, a tyja śmiajalisia?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Usie naviny →
Usie naviny

Tramp vymušana spyniaje rejdy suprać imihrantaŭ u sielskaj haspadarcy i hatelnym biznesie3

Navukoŭcy znajšli prosty sposab paspryjać rostu raślin — muzyka, ale nie kožnaja20

Ryanair budzie štrafavać pasažyraŭ, jakija parušajuć paradak1

U Homieli 7 hadoŭ tamu pabudavali prybiralniu ledź nie za miljon dalaraŭ. Jak u joj ciapier?4

U Dubai zahareŭsia 67-paviarchovy chmaračos3

Što moža čakać tych, kaho buduć sudzić pa spravie «Biełaruskaha Hajuna»?

Łukašenka parekamiendavaŭ biełarusam nie nalahać na bulbu13

Izrailcianam prychodziać špijonskija paviedamleńni ad karespandentki ANT10

Usploski zakazaŭ picy kala Pientahona mahli śviedčyć pra budučuju ataku na Iran9

bolš čytanych navin
bolš łajkanych navin

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić