Cichanoŭskaja: Vajna nikoli nie pavinna być srodkam vyrašeńnia prablem
Da 80-j hadaviny Pieramohi Śviatłana Cichanoŭskaja źviarnułasia da biełarusaŭ i biełarusak z važnymi słovami pra vajnu, mir i adkaznaść pierad historyjaj.
«Druhaja suśvietnaja vajna — heta rana, jakaja nie zarastaje. Heta bol, jaki musić nahadvać nam: vajna nikoli nie pavinna być srodkam vyrašeńnia prablemaŭ. Našyja babuli i dziaduli išli na front nie dziela miedaloŭ, a dziela taho, kab my z vami žyli biez strachu. Kab nie było bolš bambiožak, hoładu, strataŭ», — kaža ŭ svaim videazvarocie demakratyčnaja lidarka Biełarusi.
«Ja baču, jak siońnia ŭ Biełarusi sprabujuć pieratvaryć hetuju datu ŭ jašče adno šou — hučnyja łozunhi, vajskovaja technika. Ale mir nie naradžajecca ŭ maršach. Mir — u našaj pamiaci, u spačuvańni, u kłopacie pra blizkich i adno adnaho.
Asabliva baluča hladzieć, jak hety dzień ciapier vykarystoŭvajuć dla apraŭdańnia novaj vajny. Dla manipulacyjaŭ i represijaŭ. I ŭłada karaje ludziej, jakija majuć śmiełaść skazać «Nie vajnie». Ale mienavita tak — słovami «Nie vajnie!» — namahajemsia paźbiehnuć pamyłak minułaha», — zajaviła Śviatłana Cichanoŭskaja.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
prablema
ž. R prablemy, DM prablemie, prablemu, prablemaj (-aju); mn. NV prablemy, prablem, prablemam, prablemami, prablemach