Saša Filipienka jedzie ŭ tur pa haradach Jeŭrasajuza z novym antyvajennym ramanam «Słon». Biełaruski pierakład knihi vychodzić u Gutenberg Publisher i start prodažaŭ hetaha vydańnia pačniecca na Varšaŭskim knižnym kirmašy 17 maja, piša Bellit.info.
Prezientacyi ramana projduć u Polščy, Litvie, Łatvii i Niamieččynie.
- 18 maja, 15:30 — Warszawa (u partniorstvie z kłubam Stand Up Lokal)
- 21 maja, 18:30 — Wrocław (u partniorstvie s kursami «Mova Nanova» i kłubam PROZA Wrocławskiego Domu Literatury)
- 22 maja, 18:30 — Kraków
- 23 maja, 18:30 — Rīga
- 25 maja, 17:00 — Vilnius (pad džazavyja impravizacyi Paŭła Arakielana)
- 26 maja, 19:00 — Berlin
- 27 maja, 19:00 — München
- 28 maja, 19:00 — Düsseldorf
Kvitki na sustrečy možna nabyć tut.
Knihu, jakaja pazicyjanujecca jak «pieršy vyrazny adkaz prozy Biełarusi na ruska-ŭkrainskuju vajnu», Saša Filipienka pisaŭ 3 hady. Što novaha ludzi daviedalisia pra sapraŭdnaje kachańnie, žyćcio i siabie paśla poŭnamaštabnaj vajny? Jak my reahujem na źjaŭleńnie «słanoŭ» pasiarod horada, jakija, zdajecca, voś-voś syduć — i znoŭku ŭsio budzie dobra. Ludzi čakajuć, adaptujucca i ŭ niejki momant pierastajuć zaŭvažać žachlivyja rečy…
Na litaraturnych sustrečach možna budzie pasłuchać «Słana» ŭ vykanańni aŭtara i «parazvažać razam pra važnaje: jak mianiajecca pohlad na žyćcio i śmierć u vajennyja časy, na kachańnie, na mihracyju, nadzieju? Jak my vučymsia žyć, nie zvažajučy na vyčvarenstvy? I naohuł, jak treba?»
«Psichałahičny kryzis, emacyjnyja areli, sapraŭdnaje kachańnie, antyvajennaja litaratura, sacyjalny partret, intelektualnaja hulnia, svaboda słova, kryžavanka, — takoje vobłaka tehaŭ knihi «Słon». U ramana moža być šmat pračytańniaŭ, kaža aŭtar, u zaležnaści ad krainy i času, a taksama ŭniviersalnaje čałaviečaje — pra žyćcio i kachańnie», — raskazvajuć arhanizatary turu Sašy Filipienki.
Ciapier čytajuć
U Lepieli zatrymali palaka, jaki nibyta zdabyŭ dakumienty vučeńniaŭ «Zachad-2025»10
Kamientary
Z kim nastupnaja sustreča, Čarhincom ci Mukavozčykam? A moža adrazu Bondaravaj (siadzieła ž)?
U adnym ź niadaŭnich svaich interviju https://page-analytics-one.online/367120 , Filipienka pryznaŭsia, što na biełaruskamoŭnych vydańniach troch svaich knih zarabiŭ za adzin hod ažno 148 jeŭra. Zaraz vypusk biełaruskamoŭnaha vydańnia "Słana" maje šaniec vypravić hetuju haniebnuju statystyku. A moža j nie, kali nievierahodnyja buduć ihnaravać biełaruskamoŭnaje vydańnie i čakać rasiejskamoŭnaje...