Aŭtar rasijskaha «Kommiersanta» vybačyŭsia pierad Łukašenkam za toje, jak apisaŭ jahony pryjezd na parad
Tekst žurnalista z puła Pucina, reparciora rasijskaha «Kommiersanta» Andreja Kaleśnikava nie zadavoliŭ biełaruskaha prapahandysta Ryhora Azaronka. Na nastupny dzień paśla skandału Kaleśnikaŭ vybačyŭsia za svaje słovy.
Siońnia ŭ telehram-kanale «Kommiersanta» źjaviŭsia dopis ad Kaleśnikava. U im jon kaža, što nie zaŭvažyŭ, jak Łukašenka ŭstaŭ, tamu što sam «zadychaŭsia» pakul bieh z dvoryka Kramla.
«Nie, nie ŭbačyŭ. Tak što varta prynieści prabačeńni prezidentu Biełarusi. Sprava surjoznaja. Sam by zasmuciŭsia», — napisaŭ Kaleśnikaŭ.
U svaim repartažy pra parad u Maskvie Kaleśnikaŭ zhadaŭ, što Łukašenka nie stajaŭ, kali na Krasnaj płoščy prachodzili biełaruskija vajskoŭcy. Na heta źviarnuŭ uvahu prapahandyst Ryhor Azaronak.
9 maja, padčas strymu svajoj pieradačy, Azaronak daŭ sabie volu, nie strymlivajučysia ŭ vyrazach.
«Andrej Kaleśnikaŭ, ty hniły viartlavy pid*ras. I *ujasos. Končanaje čmo i ablovany libierał. I ŭsia tvaja hazietka hetaja «Buržuj» — tualetnaja papiera…», — viaščaŭ prapahandyst.
Ciapier čytajuć
Cichanoŭskaja pavinšavała biełarusaŭ razam z Kaleśnikavaj, Sieviaryncam i Łatuškam15
Kamientary