Elektronik i Syraježkin stali hienierałami-kazakami i vajujuć za Rasiju
Braty Juryj i Uładzimir Tarsujevy, viadomyja pa filmu «Pryhody Elektronika», ciapier vajujuć na Danbasie.
59-hadovyja braty Juryj i Uładzimir Tarsujevy, jakija stali viadomy ŭsiamu SSSR paśla vychadu na ekrany filma «Pryhody Elektronika», dzie jany syhrali roli Siarhieja Syraježkina i Elektronika, dali intervju RTVI. Jany raskazali, što ŭdzielničajuć u vajnie va Ukrainie jašče z 2014 hoda i što jany «hienierały ŭ kazackim padraździaleńni».
Juryj raskazaŭ, što ciapier jany «časta byvajuć u roznych padraździaleńniach na «SVA», vykonvajuć peŭnyja zadačy, jakija stavić kamandavańnie».
Uładzimir Tarsujeŭ padtrymaŭ brata, zajaviŭšy: «Moj brat — dobry bajec, dobry kamandzir, dobry hienierał».
Pry hetym braty pryznajucca, što majuć ukrainskija karani i suviazi. Pa słovach Uładzimira, ich dziadula ŭ svoj čas byŭ hałoŭnym inžynieram šachty ŭ Daniecku, a maci z baćkam z Dnieprapiatroŭsku.
«Adesa dla nas — rodny horad», — amal choram zaŭvažyli braty. I ŭ Kijevie ŭ ich taksama jość svajaki.
Pa słovach Uładzimira, pa dziaduli z boku baćki jany danskija kazaki, pa babuli — «čysta jaleckija, ruskija». Babula z boku maci ŭ ich ukrainka, a dziadula — biełarus.
«Ja nie viedaju, chto ja. Nu pa-pieršaje, ja — rasijanin. A kolki ŭ nas ciače roznych kryviej, heta ŭžo inšaje pytańnie», — davodzić Juryj Tarsujeŭ.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB19
Kamientary
[Zredahavana]