Prezientacyja knihi «Vilnia. Antałohija biełaruskaj paezii XX stahodździa»
Centr biełaruskich i rehijanalnych daśledavańniaŭ EHU zaprašaje na prezientacyju knihi «Vilnia. Antałohija biełaruskaj paezii XX stahodździa». U hetym vydańni sabranyja biełaruskija vieršy, pryśviečanyja Vilni, što była «hałoŭnym horadam dla prodkaŭ sučasnych biełarusaŭ, kałyskaj madernaj biełaruskaj nacyi».
U knizie bolš za sto vieršaŭ bolš jak 50 aŭtaraŭ. Biełaruskich paetaŭ, jakich abjadnała luboŭ da Vilni. Heta Janka Kupała, Maksim Bahdanovič, Jakub Kołas, Aleś Harun, Natalla Arsieńnieva, Maksim Tank, Uładzimir Karatkievič, Taćciana Sapač, Aleh Minkin, Viktar Šnip, Ryhor Baradulin, Aleś Razanaŭ, Adam Hłobus dy inšyja.
Meta Antałohii — adlustravać źmienlivaść horada ŭ časie praz estetyčny vodhuk i takim čynam ubačyć historyju Vilni, jakoj jana była ciaham minułaha stahodździa, — praz paeziju, i ŭbačyć paeziju — praz historyju horadu. Heta kniha nie pra pafas, a pra luboŭ. I rabiłasia jana ź luboŭju. Luboŭju da horada, da paezii i da našaha rodnaha słova. Ctaronki knihi azdobili fatazdymki Vilni kłasikaŭ sučasnaje biełaruskaje fatahrafii — Uładzimira Parfianka i Dzianisa Ramaniuka. Układalnik i aŭtar pradmovy — Siarhiej Dubaviec.
Mastacki redaktar vydańnia — vykładčyk Departamienta humanitarnych navuk i mastactvaŭ EHU Siarhiej Chareŭski.
Kniha vypuščanaja vydaviectvam «Łohvinaŭ».
22 traŭnia, a 17:00 zała Skaryny, 220 aŭd., 2 pav. Savičiaus g. 17, Vilnius, Europos humanitarinis universitetas/Jeŭrapiejski humanitarny ŭniviersitet.
Ciapier čytajuć
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu4
Kamientary