«Pacuki, błochi, śmiećcie, a ŽEU rapartuje, što ŭsio prybrana». Žychary Žodzina aburanyja, što musili sami ačyščać padvał
Žychary doma na žodzinskaj vulicy 40 hadoŭ Kastryčnika, 55 stamilisia čakać dapamohi ad kamunalnych słužbaŭ i ŭłasnymi siłami vynieśli śmiećcie z padvała, dzie zavialisia parazity. ŽEU vykazała im padziaku, a ludzi aburylisia, piša vydańnie Ex-press.live.
U śniežni minułaha hoda žycharka druhoha padjezda doma №55 pa vulicy 40 hadoŭ Kastryčnika ŭ Žodzint źviarnułasia ŭ ŽEU-1 z prośbaj prybrać śmiećcie z padvała. Reakcyi na heta nie było. Źviartalisia i ŭ słužbu 115, a paźniej — na pramuju liniju da kiraŭnika spraŭ Žodzinskaha harvykankama Volhi Vierhiel.
Ad čynoŭnicy pryjšoŭ adkaz: «Pytańnie ŭziataje na kantrol», a paśla — «Źniataje z kantrolu za vykanańniem».
Prajšło niekalki miesiacaŭ. Nadyšoŭ maj. Padvał pa-raniejšamu byŭ zavaleny śmiećciem, pakul žychary nie prybrali jaho sami. Za zimu tam zavialisia myšy, błochi, prusaki.
«Dobra, što tam było tolki śmiećcie, — piša žycharka. — U naš čas u takim miescy moža apynucca ŭsio, što zaŭhodna. My patrabujem dezynfiekcyi, kab tam nie raspaŭzalisia chvaroby, i zakryćcia padvała. Ci chacia b zamka. Taksama prosim adnavić kłumbu, jakuju staptali mašynami».
«Na hety momant usio śmiećcie sa sklepa vyviezienaje. Na dźviarach ustalavany zamak. Rabotniki ŽEU dziakujuć žycharam za dapamohu ŭ razbory śmiećcia. Paškodžanaja kłumba budzie adnoŭlenaja», — prakamientavała situacyju ŽEU-1 horada Žodzina.
«A jak nakont deratyzacyi i inšych mier?! Chto nie bačyŭ hety bamžatnik u centry horada, toj i ŭjavić nie moža, što za piekła rabiłasia ŭ hetym padjeździe! Pacuki, prusaki, błochi pa chacie skačuć! A davajcie padymiem zajaŭki ŭ HCHE — kali jany naohuł płanavali vyjezd u hety hadziušnik?! Epapieja ź minułaha hoda doŭžycca! I ŽEU, i ŽKH, i vykankam daŭno viedali pra heta. Ludzi čakali, a dapamohi tak i nie dačakalisia. Soramna za krainu, spadarstva!» — adkazaŭ žychar horada na padziaku ad kamunalnikaŭ.
U Smalavickim rajonie žychary praciahvajuć zmahacca suprać sažałki dla adkidaŭ ź Minska
«Z vyhladu prystojny dom, a pach unutry nievynosny». Što nie tak z šmatpaviarchovikam na vulicy Biady?
«I vychadny stracili, i nie zarabili, i patracilisia». Što biełarusy havorać pra subotniki
Hod pabudovy — zusim nie hałoŭnaje. Jak vybirajuć damy dla kapitalnaha ramontu i kolki płaciać žychary?
Kala minskaha šmatpaviarchovika niechta patruciŭ katoŭ, rassypaŭšy atrutu
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć39
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary