Hod pabudovy — zusim nie hałoŭnaje. Jak vybirajuć damy dla kapitalnaha ramontu i kolki płaciać žychary?
Kiraŭnica staličnaj ŽKH Maryna Tołścik raspaviała, kolki damoŭ adramantujuć u Minsku ŭ 2025 hodzie, a taksama ŭ jakoj praporcyi kapitalny ramont apłačvajuć žychary.
U Minsku ŭ 2025 hodzie płanujecca adramantavać 186 žyłych damoŭ ahulnaj płoščaj bolš za miljon kvadratnych mietraŭ. Heta składaje 3% ad usioj ekspłuatujemaj płoščy žyłoha fondu, raspaviała hienieralnaja dyrektarka Minskaj haradskoj ŽKH Maryna Toŭścik.
Pavodle jaje słoŭ, pry farmiravańni śpisu damoŭ dla kapramontu hałoŭnymi kryterami źjaŭlajucca techničny stan žyłoha doma i jaho inžyniernych sistem. Hod pabudovy — choć i važny pakazčyk, ale nie vyznačalny, piša kanał staličnaj ŽKH.
Toŭścik adznačyła, što viasnoj i vosieńniu pravodziacca ahlady, padčas jakich kamunalnyja słužby vyjaŭlajuć niedachopy. Zatym zaŭvahi i prapanovy zanosiacca ŭ akty. Na ich padstavie i składajucca płany kapramontu. Pry hetym isnuje jak biahučaja prahrama, tak i pierśpiektyŭnaja — raźličanaja na 5 hadoŭ.
Najbolš šmatpaviarchovikaŭ u hetym hodzie adramantujuć u Partyzanskim rajonie — 42 adrasy. U Zavodskim rajonie kapramont zapłanavany dla 23 šmatpaviarchovak, u Leninskim — dla 18, u Maskoŭskim — dla 17, u Kastryčnickim — dla 6. U Pieršamajskim rajonie adramantujuć 31 dom, u Savieckim — 15, u Frunzienskim — 16, a ŭ Centralnym — 20.
Pavodle słoŭ Maryny Toŭścik, kapitalny ramont finansujecca na 40% za košt adličeńniaŭ žycharoŭ, astatnija 60% daje biudžet.
Asudžany za «Hajun» da chimii brat Ihara Łosika ŭciok ź Biełarusi3
Kamientary