Rasijskija čyhunki sutyknulisia z najbujniejšym padzieńniem hruzapieravozak u historyi kampanii
U 2024 hodzie pieravozka hruzaŭ Rasijskimi čyhunkami ŭpała da najnižejšaha ŭzroŭniu za 15 hadoŭ i ŭ 2025 hodzie praciahvaje źnižacca, daviedałasia Reuters. Za studzień—krasavik pieravozki skaracilisia na 6,8%, a ŭ krasaviku — na 8,6%.
Takaja situacyja na Rasijskich čyhunkach składvajecca z-za vysokaj pracentnaj staŭki, sankcyj i składanaj situacyi na suśvietnych rynkach. Najbujniejšyja eksparciory Rasii — «Rusał», hrupa NŁMK, «Hazpramnafta» i inšyja — skaračajuć abjomy pieravozak praz čyhunki.
Pavodle dakumienta RČ, jaki zdabyło ahienctva Reuters, u 2025 hodzie čakajecca dalejšaje padzieńnie — prykładna na 3% u paraŭnańni z płanam. Asnoŭnyja straty buduć častkova pakrytyja pavieličeńniem pieravozak vuhalu, jaki prynosić mienš dachodaŭ.
Kampanija tłumačyć źnižeńnie pieravozak niekalkimi pryčynami: žorstkaj finansavaj palitykaj, mižnarodnaj ekanamičnaj niestabilnaściu, sankcyjami, a taksama prablemami z bujnymi klijentami. Asabliva paciarpieli pieravozki budaŭničych i mietałurhičnych hruzaŭ.
Taksama nazirajecca padzieńnie ekspartu ŭ Kitaj, asabliva ŭhnajeńniaŭ, lesu, mietału i naftapraduktaŭ. Na situacyju ŭpłyvajuć i ataki bieśpiłotnikaŭ na rasijskija naftapierapracoŭčyja zavody.
Sa studzienia pa sakavik 2025 hoda rasijskaja pramysłovaść pakazvaje prykmiety recesii. Źnizilisia zdabyča karysnych vykapniaŭ, vytvorčaść stali, drevaapracoŭka i vypusk aŭtamabilaŭ.
U vyniku padzieńnia pieravozak Rasijskija čyhunki čakaje strata dachodu kala 87 miljardaŭ rubloŭ. Kab skaracić vydatki, kampanija płanuje źmienšyć inviestycyjnuju prahramu. Dla ekanomii Rasijskija čyhunki taksama skaračajuć vykarystańnie pazykovych srodkaŭ i vydatki na absłuhoŭvańnie doŭhu.
Rasijskaja ekanomika pačała 2025 hod z mocnym zapavoleńniem
Paraŭnali ceny na aŭtamabili biełaruskaj i rasijskaj vytvorčaści ŭ Biełarusi i Rasii. Roźnica vas ździvić
Što budzie ź Biełaruśsiu, kali ES uviadzie poŭnaje handlovaje embarha suprać Rasii
Prezidentka Jeŭrakamisii abviaściła ab zaviaršeńni ery rasijskich nafty i hazu ŭ Jeŭropie
Rasijskaja ekanomika ŭ pieršym kvartale ŭpieršyniu z 2022 hoda pakazała spad
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia21
Kamientary
Oboronka nie sposobna zamiestiť soboju objomy dovojennych pierievozok.
Eto pokazyvajet RIEALNOJE padienije v hraždanskom siektorie ekonomiki Rosii i padienije eksporta-importa Rośsii.
Karcina masłam: pačaŭsia zaniapad.
Nu što, "paźniački", admienim sankcyi, ha?
A to ŭ Tamožiennom Sojuzie biada - hałoŭny traspart vajny i dziaržavy, arteryja ekanomiki biez raboty kiśnie, vazić niama čaho i stanovica jašče mienš.
Davajcie pavyjem ad imia i v polzu prostych i biednych.