Ministerstva handlu i antymanapolnaha rehulavańnia vyniesła papiaredžańnie «Biełaruśkaliju» ŭ ramkach antymanapolnaha zakanadaŭstva, havorycca na sajcie viedamstva.
Paviedamlajecca, što pradpryjemstva złoŭžyvała daminujučym stanoviščam na tavarnym rynku aptovaj realizacyi minieralnaha kancentratu — halitu, što vyjaviłasia va ŭstalavańni dyskryminacyjnych umoŭ u častcy abjomu adpraŭki tavaru.
«U adpaviednaści z zakanadaŭstvam, papiaredžańnie — heta previentyŭnaja miera, jakaja dazvalaje antymanapolnamu orhanu pry vyjaŭleńni ŭ dziejańniach «daminanta» prykmiet parušeńnia antymanapolnaha zakanadaŭstva skarektavać jaho pavodziny na rynku šlacham nakiravańnia da vykanańnia pieraliku dziejańniaŭ u peŭny termin». U takim vypadku antymanapolnaje rasśledavańnie spyniajecca, paviedamlaje MARH.
Adkaznaść za parušeńnie antymanapolnaha zakanadaŭstva ŭ častcy złoŭžyvańnia daminujučym stanoviščam ciahnie nakładańnie štrafu, jaki moža składać ad 21 tys. rubloŭ i zvyš 3 młn rubloŭ.
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary