U Hrodnie pakazalna vydvaryli ź Biełarusi dvuch maładych inšaziemcaŭ — adnaho z Tadžykistana, druhoha z Turkmienistana. Pavodle milicyi, heta było zroblena ŭ ramkach prafiłaktyčnaj akcyi, na jakuju zaprasili taksama studentaŭ z Turkmienistana i pracoŭnych mihrantaŭ z Azierbajdžana.
Małady hramadzianin Turkmienistana (2000 hoda naradžeńnia) u niećviarozym stanie spraviŭ naturalnuju patrebu kala adnoj z zabaŭlalnych ustanoŭ u Hrodnie, a taksama pasvaryŭsia i zładziŭ bojku ź inšaziemcami. Za heta na jaho skłali dva pratakoły za drobnaje chulihanstva.
Druhi — hramadzianin Tadžykistana — byŭ raniej papiaredžany pra nieabchodnaść pakinuć Biełaruś, ale nie zrabiŭ hetaha. Jon rastłumačyŭ, što niadaŭna ažaniŭsia, i ŭ krasaviku ŭ jaho naradziłasia dačka.
Pry razhladzie vypadkaŭ uličyli charaktar parušeńniaŭ, najaŭnaść svajakoŭ u Biełarusi i charaktarystyki hetych ludziej. U vyniku było vyrašana: hramadzianina Turkmienistana vydvaryli z krainy na paŭhoda, a hramadzianinu Tadžykistana taksama zabaranili ŭjezd u Biełaruś na toj ža termin.
Raniej padobny vypadak adbyŭsia ŭ Breście, što śviedčyć pra ahulnabiełaruski charaktar kampanii publičnaj i pakazalnaj departacyi inšaziemcaŭ z metaj zapałochvańnia inšych.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary