Mužčyna zasumniavaŭsia ŭ baćkoŭstvie čaćviarych dziaciej. I nie darma
U sakaviku maci čaćviarych dziaciej źviarnułasia ŭ sud z prośbaj spahnać z adkazčyka — 41-hadovaha byłoha muža — alimienty na ŭtrymańnie niepaŭnaletnich dziaciej, bo toj nie akazvaje materyjalnaj dapamohi na ich utrymańnie.
Adnak adkazčyk padaŭ sustrečnuju pazoŭnuju zajavu, ukazaŭšy, što siamja praisnavała šeść hadoŭ, i za hety čas pamiž sužencami skłalisia krajnie niepryjaznyja adnosiny, tamu jon spyniŭ sumiesnaje pražyvańnie ź siamjoj, ale praciahvaŭ sustrakacca ź dziećmi i zabiaśpiečvaŭ ich, paviedamlaje Dziaržkamitet sudovych ekśpiertyz
Dalej situacyja tolki paharšałasia: apošnija hady ŭžo byłaja žonka pierastała davać mahčymaść bačycca ź dziećmi biez tłumačeńnia pryčyny, a adnojčy i zusim zajaviła, što dzieci nie jahonyja, što stała dla mužčyny niečakanaściu. U sustrečnym pazovie jon prasiŭ sud vyklučyć z akta ab naradžeńni dziaciej zapis ab jaho baćkoŭstvie.
Dla vyrašeńnia pytańnia ab bijałahičnym svajactvie sud pryznačyŭ va ŭpraŭleńni Dziaržaŭnaha kamiteta sudovych ekśpiertyz pa Mahiloŭskaj vobłaści sudovuju miedycynskuju hienietyčnuju ekśpiertyzu.
Pavodle vynikaŭ daśledavańnia DNK niepaŭnaletnich dziaciej i jaje byłoha muža sudovyja ekśpierty vyklučyli bijałahičnaje baćkoŭstva adkazčyka adnosna ŭsich čaćviarych dziaciej.
Ciapier čytajuć
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary