Śpiavačka IOWA vystupiła ŭ dziŭnym kaściumie i aburyła pravasłaŭnych
Uradženka Biełarusi Kaciaryna Ivančykava pryjechała na kancert u Vialiki Noŭharad ź niestandartnaj sukienkaj. Za vybar adzieńnia jaje mocna raskrytykavali.
Vystup śpiavački byŭ pryśviečany Dniu abarony dziaciej i prachodziŭ u rasijskim Vialikim Noŭharadzie.
Kaciaryna Ivančykava apranuła na siabie paŭprazrystuju sukienku niezvyčajnaj formy. Karystalniki tvitara paraŭnali vobraz z mužčynskimi hienitalijami.
V Dień zaŝity dietiej, v cientrie Vielikoho Novhoroda pieła vživuju IOWA v obrazie… «člena». Narodu sobrałoś mnoho, publika podpievała, viesieliłaś, vsie śmiejaliś nad novym obrazom Kati, pošlili i otpuskali skabrieznyje šutočki. pic.twitter.com/MBoTa3cwfN
Hienieralny dyrektar rasijskaha pravasłaŭnaha telekanała «Spas» i prapahandyst Barys Karčeŭnikaŭ taksama aburaŭsia, što kaścium śpiavački nahadvaŭ mužčynskija hienitalii, a vobrazy tancorak asacyjavalisia sa stryptyzam. Najbolš Karčeŭnikavu nie spadabałasia toje, što vystup byŭ pablizu śviatych moščaŭ, cudatvornych abrazoŭ i pomnika 1000-hodździa Rusi.
Sukienku raspracavaŭ rasijski brend, piša «Kamsamolskaja praŭda».
«Hetaja kapsulnaja kalekcyja litaralna i fihuralna zdymaje pakrovy ŭsprymańnia. Z dapamohaj modulnych łateksnych kanstrukcyj i ŭstavak z futra aŭtar pieraasensoŭvaje «Barbareła» adnačasova jak muzu i jak abjekt krytyki.
Vizualnaja mova nahadvaje hlancavy eratyzm kultavaha navukova-fantastyčnaha filma 1968 hoda, ale tut stylizacyja pieratvarajecca ŭ rezki kamientar na temu kamiercyjalizacyi žanočych cieł», — patłumačyła kampanija, nazvu jakoj vydańnie nie ŭdakładniaje.
Sama artystka admoviłasia kamientavać situacyju.
Ciapier čytajuć
Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»11
Kamientary