Alaksandr Łukašenka 6 červienia padpisaŭ ukaz «Ab dziejnaści ŭ śfiery hulniavoha biznesu», paviedamlaje pres-słužba palityka. Asnoŭnaja zajaŭlenaja meta dakumienta — navodzić paradak u halinie hulniavoha biznesu i ŭzmacnić kantrol za jaho pracaj.
Ukaz uvodzić bolš strohija praviły dla identyfikacyi hulcoŭ. Ciapier zarehistravacca ŭ internet-kazino možna budzie tolki asabista ŭ sapraŭdnaj hulniavoj ustanovie abo praź videasuviaź u internecie.
Zapisy z kamier videanazirańnia buduć zachoŭvacca nie 30, a 60 dzion. Taksama dazvalajecca vykarystoŭvać hulniavyja aŭtamaty, jakim bolš za 10 hadoŭ, ale tolki kali jany adpaviadajuć techničnym patrabavańniam i ŭklučanyja ŭ dziaržaŭny rejestr.
Uvodziacca novyja abmiežavańni:
- zabaraniajecca mieć bolš za adzin hulniavy rachunak;
- nielha hulać pa prośbie abo daručeńni inšych asob;
- arhanizataram zabaraniajecca vydavać hrošy, kartki ci inšyja srodki apłaty, kali ŭ klijenta niama ŭłasnych srodkaŭ;
- banki i finansavyja arhanizacyi nie mohuć pieraličvać hrošy zamiežnym arhanizataram azartnych hulniaŭ.
Kab praduchilić machinacyi, vykarystańnie kryptavaluty dla stavak i vyjhryšaŭ budzie dazvolena tolki praz kampanii — rezidenty Parka vysokich technałohij, jakija pracujuć jak kryptapłatformy.
Taksama dakumient vyznačaje, jak buduć praviarać, ci naležać hrošy kankretnaj asobie, kab dapuścić jaje da ŭdziełu ŭ hulni.
Ciapier čytajuć
Minsk u sieradu viečaram pahruziŭsia ŭ ciemru. Paśla zahadu Łukašenki51
Minsk u sieradu viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary
A realnaja - źbirać samim (siamiejnamu biźniesu) tyja hrošy azartnych hulcoŭ z zaležnaściami, jakija raniej išli za miažu.