Uviečary 6 červienia ŭ Łos-Andželesie na poŭdni štata Kalifornija adbylisia pratesty z-za maštabnych rejdaŭ słužby imihracyi ICE, piša Bi-bi-si.
Raniej u toj ža dzień ICE, jakaja zajmajecca zatrymańniem i departacyjaj nielehalnych mihrantaŭ, zatrymała 44 čałavieki, jašče adnaho — za supraciŭ ahientam.
Vidavočcy paviedamlali, što inśpiektary ICE padčas rejdaŭ vykarystoŭvali ślozaciečny haz i śvietłašumavyja hranaty. Paśla hetaha ŭ centry horada sabrałasia bolš za 300 pratestoŭcaŭ, jakija asudzili žorstkija mietady ICE.
Rejdy pa zatrymańni mihrantaŭ prachodziać u šerahu haradoŭ ZŠA ŭ ramkach maštabnaj kampanii prezidenta Donalda Trampa pa baraćbie ź nielehalnaj imihracyjaj.
Palicyja Łos-Andželesa zaklikała pratestoŭcaŭ razyścisia da siami viečara, ale abstanoŭka praciahvała napružvacca. Sutyknieńni adbylisia, u tym liku, kala fiederalnaha budynka. Paśla taho jak praciŭniki rejdaŭ, pavodle słoŭ palicyi, pačali kidacca kavałkami bietonu, pravaachoŭnikam było dazvolena vykarystańnie «nielatalnych srodkaŭ».
Na kadrach z pratestaŭ vidać, što palicyja źbivaje pratestoŭcaŭ dubinkami i ŭžyvaje ślezaciečny haz. Biesparadki ŭ centry horada praciahvalisia i paśla apoŭnačy.
Kamientary