Vajna11

Rasija zajaviła ab uvarvańni ŭ Dnieprapiatroŭskuju vobłaść. Ekśpierty paćvierdzili bai ŭ niekalkich sotniach mietraŭ ad miažy rehijona

U niadzielu rasijskaje Ministerstva abarony zajaviła, što padraździaleńni 90-j tankavaj dyvizii vyjšli da miažy z Dnieprapiatroŭskaj vobłaściu i praciahnuli nastup uhłyb rehijona. Pavodle kart OSINT-analitykaŭ, na viečar suboty zona bajavych dziejańniaŭ u Danieckaj vobłaści znachodziłasia na adlehłaści niekalkich sotniaŭ mietraŭ ad miažy z Dnieprapiatroŭskaj vobłaściu, piša «Ahientstvo».

Pavodle źviestak rasijskaha Ministerstva abarony, «padraździaleńni 90-j tankavaj dyvizii hrupoŭki vojskaŭ «Centr» vyjšli na zachodniuju miažu «Danieckaj Narodnaj Respubliki» i praciahvajuć raźvivać nastup na terytoryi Dnieprapiatroŭskaj vobłaści».

Karty OSINT-analitykaŭ pakul nie paćviardžajuć uvarvańnia rasijskaj armii ŭ Dnieprapiatroŭskuju vobłaść, adnak na ich bačna, što zona bajavych dziejańniaŭ znachodzicca ŭ niepasrednaj blizkaści da miažy rehijona.

Adlehłaść pamiž «šeraj zonaj», dzie išli bai pamiž Uzbrojenymi Siłami Ukrainy i rasijskaj armijaj, i miažoj Dnieprapiatroŭskaj vobłaści składaje kala 600 mietraŭ, śviedčyć abnoŭlenaja ranicaj u niadzielu karta blizkaha da Ministerstva abarony Ukrainy OSINT-prajekta DeepState. Pry hetym ad kantralujemaj, pavodle prajekta, rasijskimi vajskami terytoryi da miažy rehijonaŭ zastajecca 2 km.

Kala 3 km padzialajuć zachoplenuju Rasijaj terytoryju i miažu Dnieprapiatroŭskaj vobłaści, zhodna z kartaj Instytuta vyvučeńnia vajny (ISW). U apublikavanaj u noč na niadzielu zvodcy ISW havorycca, što rasijskija vojski praciahvali nastupleńnie ŭ kirunku miažy z Dnieprapiatroŭskaj vobłaściu, ale paćvierdžanych pośpiechaŭ nie dasiahnuli.

Pazicyi Uzbrojenych Sił Ukrainy, na jakija nastupaje rasijskaja armija, znachodziacca ŭ niekalkich sotniach mietraŭ ad miažy Danieckaj i Dnieprapiatroŭskaj abłaściej, śviedčyć abnoŭlenaja ŭ niadzielu karta finskaha OSINT-prajekta BlackBird Group. Pavodle karty prajekta LiveUAmap, rasijskija pazicyi znachodziacca na adlehłaści krychu bolš za 1 km ad miažy rehijonaŭ.

Z-błohier Juryj Padalaka napisaŭ, što «pa fakcie my ŭžo vyjšli tudy davoli šyrokim frontam». Adnak inšyja Z-kanały ŭ subotu pisali pra «adciaśnieńnie supiernika praktyčna da miažy Dnieprapiatroŭskaj vobłaści». 

Upieršyniu pra vychad rasijskaj armii na miažu Dnieprapiatroŭskaj vobłaści 22 maja paviedamiŭ telehram-kanał prapahandysta Uładzimira Sałaŭjova. Adnak, pavodle źviestak niezaležnych ekśpiertaŭ, na toj momant rasijskim vajskoŭcam da miažy zastavałasia prajści jašče niekalki kiłamietraŭ. Pry hetym OSINT-analityk Kiryił Michajłaŭ u razmovie z «Ahientstvom» dapuskaŭ, što vychad rasijskich vajskoŭcaŭ u Dnieprapiatroŭskuju vobłaść moža adbycca ŭ bližejšyja tydni.

Kamientary1

  • Baradzied
    08.06.2025
    Značitielnyj čiślennyj pierievies.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia

Usie naviny →
Usie naviny

Kerałajn Livit: Mahčyma, u budučyni płanujecca pajezdka Trampa ŭ Rasiju10

«Nie źviazana z vajskovymi vučeńniami». Mintrans Litvy prakamientavaŭ skasavańnie rejsaŭ ź Biełarusi6

Zialenski paviedamiŭ pra «dobryja naviny» i raskazaŭ, što adbyłosia kala Dabrapolla2

«Źmiei paśladoŭna ŭcirajucca ŭ davier». Azaronak nie pakinuŭ kamienia na kamni ad znakavych prarasijskich aktyvistaŭ16

«Nie vypuskaje Litva». Čamu pieravozčyki masava admianili aŭtobusy pamiž Minskam i Vilniaj?5

Zakinuty sanatoryj na Brasłaŭskich aziorach znoŭ trapiŭ na aŭkcyjon. Try hady tamu inviestar kupiŭ jaho za rekordnuju sumu

Z 1 vieraśnia ŭ biełaruskich škołach uviaduć novyja pradmiety8

Linhvistyčny ŭniviersitet ciapier budzie zvacca inačaj. Raniejšuju nazvu Łukašenka paličyŭ «maciernaj»29

Tejłar Śvift abviaściła pra vychad novaha alboma4

bolš čytanych navin
bolš łajkanych navin

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić