10-hadovaja brytanka stała najmałodšaj dziaŭčynkaj, jakaja pieramahła šachmatnaha hrosmajstra
Dziesiacihadovaja dziaŭčynka z Łondana Badchana Sivananden stała najmaładziejšaj šachmatystkaj, jakaja kali-niebudź pieramahała hrosmajstra. Jana atrymała druhi pa značnaści šachmatny tytuł — mižnarodnaha majstra, paviedamlaje CNN.
Pieramohu Badchana atrymała ŭ finale čempijanatu Vialikabrytanii, abyhraŭšy 60-hadovaha Pita Uełsa. Pavodle infarmacyi Mižnarodnaj fiederacyi šachmat, jana pabiła papiaredni rekord, pastaŭleny amierykankaj Karysaj Ip u 2019 hodzie.
Letaś dziaŭčynka stała najmaładziejšaj pradstaŭnicaj Anhlii na mižnarodnych spabornictvach u lubym vidzie sportu, udzielničajučy ŭ Šachmatnaj alimpijadzie ŭ Vienhryi.
Baćka Badchany, Siva, pryznajecca, što nie viedaje, adkul u dački taki talent, bo ni jon sam, ni jaje maci nie ŭmieli dobra hulać u šachmaty. Dziaŭčynka ŭpieršyniu pačała hulać padčas pandemii COVID-19 u piać hadoŭ, ubačyŭšy šachmatnuju došku ŭ torbie siabra baćki.
Badchana kaža, što šachmaty dapamahajuć joj dobra siabie adčuvać i raźvivać inšyja navyki, naprykład, matematyku. Jana maryć dasiahnuć najvyšejšaha dla šachmatystaŭ tytułu — hrosmajstra.
Mižnarodny majstar Malkalm Pejn adznačaje, što dziaŭčynka ścipłaja, ale jana vydatna hraje ŭ šachmaty i maje ŭsie šancy stać hrosmajstarkaj abo navat čempijonkaj śvietu siarod žančyn.
U Afhanistanie taliby zabaranili šachmaty
Pamior były čempijon śvietu pa šachmatach
Zarabiŭ dziasiatki tysiač dalaraŭ, a jamu tolki 18. Intervju z maładoj biełaruskaj zorkaj šachmat, jaki pieramahaŭ Mahnusa Karłsena
Biełaruskaja šachmatystka pieraabułasia čarhovy raz — vystupała za Rasiju, ciapier budzie za Aŭstryju
Mižnarodnaja fiederacyja šachmat źmiakčyła patrabavańni da adzieńnia na čempijanacie śvietu pa blicy
Šachmatysta Mahnusa Karłsena dyskvalifikavali na čempijanacie śvietu za viernaść džynsam
Čempijonam śvietu pa šachmatach staŭ 18-hadovy hrosmajstar ź Indyi
Pavietranaja himnastka pakazała zakuliśsie pracy ŭ Biełdziaržcyrku7
Kamientary