Z aŭkcyjona znoŭ pradajuć hatel kala stadyjona «Dynama», jaki tak i nie zapracavaŭ
Piać izalavanych pamiaškańniaŭ u budynku šmatfunkcyjanalnaha haściničnaha kompleksu Centropol u Minsku vystaŭleny na tarhi. Łot źjaviŭsia ŭ Adzinaj sistemie elektronnych tarhoŭ.
U jakaści pradaŭca paznačany Biełahraprambank. Tarhi pa adzinym łocie zapłanavanyja na 12 červienia, piša Office Life.
Za piać pamiaškańniaŭ prosiać 19 583 910,23 rubla, abo pryblizna $6,5 młn. Krok tarhoŭ — kala 980 rubloŭ, a zadatak — 195,8 tys. rubloŭ, abo bolš za $65 tys.
Jany raźmieščany ŭ 11-paviarchovym budynku 2020 hoda pabudovy na 6—10 pavierchach. Ahulnaja płošča — 3 153,5 kvadrataŭ. U arendu nie zdadzieny, unutranaje azdableńnie adsutničaje.
U studzieni hetyja piać pamiaškańniaŭ płoščaj ad 450 da 682 kv. m užo vystaŭlali na prodaž na placoŭcy «BiełJurZabieśpiačeńnie». Tady za ich paasobku prasili ad 2,3 da 3,4 młn rubloŭ, abo ad $671 tys. da $1 młn. Paviedamlałasia, što nieruchomaść pradavali za daŭhi zamiežnaha budaŭničaha pradpryjemstva «Hiermies Kanstrakšn». Pustujučyja pamiaškańni, dzie pavinien byŭ raźmiaščacca hatel, naležać kampanii «Dzi-biźnies Salušnz Limited».
U 2012 hodzie stała viadoma, što kampanija «Dzi-biźnies Salušnz Limited» uźviadzie 12-paviarchovy hatel Amara na 214 numaroŭ. Adkryć hatel płanavali da Čempijanatu śvietu pa chakiei ŭ Minsku, jaki prachodziŭ u 2014 hodzie. Praź niekalki hadoŭ novy inviestar (kampanija «Hiermies Kanstrakšn») źmianiŭ funkcyjanalnaje pryznačeńnie ŭčastka i zamiest hatela ŭźvioŭ na Śviardłova šmatfunkcyjanalny kompleks.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary