Pašynian zaklikaŭ pazbavić pasady Katalikosa ŭsich armian, bo ŭ taho znajšłosia dzicia
Premjer-ministr Armienii Nikoł Pašynian zajaviŭ, što Katalikos usich armian Harehin II parušyŭ abiet biasšlubnaści, jaki sam pryniaŭ dobraachvotna.
Pavodle Pašyniana, takija pavodziny katalikosa supiarečyć kanonam Armianskaj Apostalskaj Carkvy, tamu Harehin II nie mieŭ prava być nie tolki katalikosam, ale navat biskupam ci archibiskupam.
Pašynian zaklikaje Harehina II vyzvalić patryjaršyja pakoi i pravieści vybary novaha katalikosa, maralnyja jakaści jakoha buduć pravieranyja pierad abrańniem. Jon źviarnuŭsia da viernikaŭ z zaklikam abjadnacca dziela hetaha, prytrymlivajučysia chryścijanskich pryncypaŭ.
73-hadovy Harehin II kiruje Armianskaj Apostalskaj Carkvoj bolš za čverć stahodździa, z kastryčnika 1999 hoda. Niadaŭna da 25-hodździa svajoj intranizacyi jon byŭ uznaharodžany patryjarcham Maskoŭskim i ŭsiaje Rusi Kiryłam ordenam RPC.
Supraćstajańnie pamiž Armianskaj Apostalskaj Carkvoj i Nikołam Pašynianam praciahvajecca z 2020 hoda, kali paśla niaŭdałaj dla Armienii 44-dzionnaj vajny za Karabach carkoŭny sabor zapatrabavaŭ adstaŭki premjer-ministra. U adkaz urad pačaŭ pierahladać rolu Carkvy ŭ hramadstvie i ŭvioŭ bolš strohi kantrol za jaje dziejnaściu.
Situacyja abvastryłasia tydzień tamu paśla incydentu ŭ manastyry Marmašen u Šyrakskaj vobłaści. Tam uźnikła słoŭnaja svarka pamiž prychilnikami Carkvy i pradstaŭnikami ŭłady. Kanflikt spravakavała zajava nastajaciela chrama Parena Pietrasiana, jaki papiaredziŭ prychilnikaŭ Pašyniana, kab jany nie naviedvali manastyr. U adkaz adzin ź ich arhanizavaŭ publičny vizit, što i pryviało da napružanaści.
Ciapier čytajuć
Łosik raskazaŭ, jak Babaryku katavali ŭ navapołackaj kałonii26
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1010
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch10
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary