U noč na 11 červienia ŭkrainskija bieśpiłotniki atakavali parachavy zavod u horadzie Katoŭsk Tamboŭskaj vobłaści. Miascovyja žychary paviedamlajuć ab šmatlikich vybuchach.
Pa paviedamleńniach miascovych žycharoŭ, nad Katoŭskam prahučała nie mienš za 15 vybuchaŭ. U horadzie hučali sireny pavietranaj tryvohi. Kiraŭnik Tamboŭskaj vobłaści Rasii Jaŭhien Piarvyšoŭ paćvierdziŭ ataku dronaŭ na Katoŭsk. Ułady rehijonu paviedamili, što načnaja ataka BPŁA była adbita, paciarpiełych niama.
Zavod nie adnojčy byŭ atakavany dronami. Apošni raz — u mai. U niekatorych vypadkach paviedamlałasia pra istotnyja paškodžańni i pieraboi ŭ pracy.
Tamboŭski parachavy zavod źjaŭlajecca adnym z najbujniejšych pradpryjemstvaŭ Rasii ŭ śfiery vytvorčaści vybuchovych rečyvaŭ i porachaŭ dla zbroi. Jak piša «Kommiersant'», zavod vypuskaje bolš za 200 vidaŭ pradukcyi, u tym liku porachi dla strałkovaj zbroi, artyleryi, hranat i hranatamiotnych vystrałaŭ.
Kamientary