U Maładziečnie 13-hadovaja dziaŭčynka zakachałasia ŭ 16-hadovaha staršakłaśnika. Usio skončyłasia sumna
13-hadovaja dziaŭčynka zakachałasia ŭ 16-hadovaha staršakłaśnika. Nieŭzabavie jany pačali sustrakacca, razam hulać, pierapisvacca.
U Maładziečnie 13-hadovaja dziaŭčynka zakachałasia ŭ 16-hadovaha staršakłaśnika. Nieŭzabavie jany pačali sustrakacca, razam hulać, pierapisvacca. Paźniej junak staŭ patrabavać ad kachanaj intymnyja fota i videa, paviedamlajuć Minsk-naviny.
Dziaŭčynka pahadziłasia. Ź vieraśnia 2021-ha pa maj 2022-ha dziaŭčynka źniała i adpraviła svajmu chłopcu siem fatahrafij i čatyry videaroliki intymnaha charaktaru. Paśla zakančeńnia ich adnosin u traŭni chłopiec padzialiŭsia hetymi «materyjałami» sa svaim siabram.
Dalej infarmacyja chutka raźlaciełasia pa škole. U vieraśni niepaŭnaletniuju čakała «piekła» — papaŭźli čutki pra jaje lohkija pavodziny.
«U imhnieńnie voka jaje asabistaje žyćcio stała zdabytkam hramadskaści, pieratvaryŭšysia ŭ pradmiet kpinaŭ i asudžeńnia. Škoła, jakaja pavinna była być miescam padtrymki i raźvićcia, pieratvaryłasia ŭ pole bitvy, dzie kožny šaptaŭ za śpinoj, a adnakłaśniki advaročvalisia», — patłumačyŭ pradstaŭnik SK Andrej Suchadolski.
Dajšli čutki i da milicyi. U dačynieńni da ŭžo 17-hadovaha junaka raspačali kryminalnuju spravu pa čč. 2, 3 art. 343 (zaŭv. 1 KK) vyrab i raspaŭsiud parnahrafičnych materyjałaŭ abo pradmietaŭ parnahrafičnaha charaktaru z vyjavaj niepaŭnaletniaha».
Sud prysudziŭ maładoha čałavieka da 5 hadoŭ i 6 miesiacaŭ pazbaŭleńnia voli. Junak tak i nie raskajaŭsia ŭ zroblenym.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ4
Kamientary
I vas nie ździviła, što joj, za VYRAB parnahrafičnych materyjałaŭ ničoha nie dali?