Z-za źmieny klimatu raślina, jakaja parazituje na dubie, raspaŭsiudzicca i na Biełaruś
Navukoŭcy vyśvietlili, što areał raśliny Loranthus europaeus patencyjna moža pašyrycca na Hiermaniju, Polšču i Biełaruś. Na publikacyju polskich daśledčykaŭ z Pryrodaznaŭčaha ŭniviersiteta ŭ Poznani ŭ časopisie Scientific Reports źviarnuŭ uvahu telehram-kanał «De facto. Biełaruskaja navuka».
Raślina Loranthus europaeus, jakaja parazituje na dubie, ciapier raście ŭ Centralnaj Azii, Turcyi, Krymie i ŭ Paŭdniova-Zachodniaj Jeŭropie. Z dapamohaj madelavańnia daśledniki acanili ŭpłyŭ prahnazavanaj źmieny klimatu na 2041-2060 i 2061-2080 hady.
Vyniki pakazali, što areał Loranthus europaeus patencyjna moža pašyrycca na Hiermaniju, Polšču i Biełaruś — sa skaračeńniem u Hrecyi i Turcyi. Heta budzie mieć značnyja nastupstvy dla miascovych ekasistem i ekanomiki, a pieradusim dla lasnoj haspadarki.
Raślina-parazit moža vyklikać admirańnie dreŭ-haspadaroŭ, što pryvodzić da značnych ekanamičnych strat. Admirańnie dreŭ-haspadaroŭ nie tolki źnižaje ŭradžajnaść draŭniny, ale i ŭpłyvaje na bijaraznastajnaść i zdaroŭje lasoŭ. Tamu nieabchodnaja raspracoŭka efiektyŭnych stratehij dla źmiakčeńnia ŭździejańnia Loranthus europaeus.
Ciapier čytajuć
«Stajać na svaim, kožny na kolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary
Pusť naši učionyje diełajut lekarstva iz omieły.
Rastienije idiot k nam v stranu nie prosto tak.
Nado nie boroťsia s nim, nie uničtožať biezdumno, a ispolzovať jeho dla proizvodstva lekarstv.
Jesť naučnyje trudy po isśledovaniju chimičieskoho sostava omieły i primienienija dla lečienija raźličnych zabolevanij. Na oficialnych naučnych miedicinskich sajtach.
Mir dajot nam 🍋, čtoby my sdiełali limonad.