Hramadstva1919

Franak Viačorka pra Cichanoŭskaha i inšych vyzvalenych: Śpisy mianialisia ŭ samy apošni momant

Paśla sustrečy Alaksandra Łukašenki sa śpiecyjalnym pradstaŭnikom prezidenta ZŠA Kitam Kiełaham z turmaŭ vyzvalili 14 palityčnych viaźniaŭ, u tym liku i pretendenta ŭ kandydaty na vybarach 2020-ha Siarhieja Cichanoŭskaha, muža lidarki biełaruskich demsiłaŭ. «Lusterka» parazmaŭlała sa starejšym daradcam Cichanoŭskaj Franakam Viačorkam pra rolu Ofisa ŭ hetym pracesie.

Franak Viačorka razam z palitviaźniem Kiryłam Bałachonavym u Vilni. Fota: Ofis Cichanoŭskaj 

— Na jakuju kolkaść vyzvalenych vy raźličvali?

— Na 10-20 čałaviek. Ale nie było nijakaj kankretyki i detalaŭ. Śpisy mianialisia ŭ samy apošni momant. Toje, kaho mienavita vypuściać, zaležyć ad rašeńnia Minska, jakoje prymajecca ŭ apošniuju chvilinu.

My, viadoma, rychtavalisia da taho, što vyzvaleńnie budzie. Abmiarkoŭvali heta i nastojvali, kab heta byli znakavyja imiony, žurnalisty. Ale atrymałasia jak atrymałasia. Treba praciahvać zmahacca dalej.

— A kali vy daviedalisia, što Cichanoŭski ŭ śpisie?

— Heta zdavałasia nastolki nierealistyčnym, što, u pryncypie, da ŭčorašniaha dnia (nu, moža, zaŭčarašniaha) pytańnie vyzvaleńnia Cichanoŭskaha navat nie abmiarkoŭvałasia. Ale ŭ vyniku tyja ludzi, vyzvaleńnia jakich my čakali, tak i nie byli vypuščanyja. Naprykład, ja čakaŭ, što vyzvalać Ihara Łosika, ja navat pryjšoŭ sustrakać usich u futbołcy ź jaho partretam.

— Kaho vy jašče prapanoŭvali vyzvalić?

— My zaŭsiody prapanujem vyzvalić usich palityčnych źniavolenych. Ale vyrašaje režym, na žal. U hety raz vyzvalali ŭ asnoŭnym tych, chto źviazany ź inšymi krainami: albo maje padvojnaje hramadzianstva, albo pracavaŭ z zamiežnymi miedyja. My zaŭsiody raźličvajem na bolšaje, a atrymlivajecca zaŭsiody mienš. Režym pierapisvaje praviły ŭ apošni momant.

— Vy skazali, što daviedalisia pra zapłanavanaje vyzvaleńnie Siarhieja Cichanoŭskaha ŭčora-pazaŭčora. Jakoj była reakcyja Śviatłany?

— Ja b nie skazaŭ, što my «viedali». My pačali abmiarkoŭvać heta jak mahčymy scenar. Tamu što stali źjaŭlacca peŭnyja sihnały. U heta, viadoma, nie vieryłasia. Śviatłana vielmi pieražyvała, heta było vielmi chvalujuča dla jaje.

A siońnia, kali Siarhiej patelefanavaŭ ź miažy… Nie viedaju, ci možna pra heta kazać. Śviatłana nie mahła pavieryć i raspłakałasia… Heta byŭ vielmi ščymlivy momant. A potym, praz paru hadzin, jany ŭžo sustrelisia ŭ Vilni.

— Jakija byli pieršyja emocyi i dumki padčas sustrečy?

— Pieršaje, pra što ja padumaŭ: «Takoje adčuvańnie, što Siarhiej straciŭ pałovu svajoj vahi». Ale heta toj ža samy Siarhiej. Sam jon adznačyŭ, što razvučyŭsia havaryć za piać hadoŭ izalacyi. Ale potym staŭ žartavać i skazaŭ amierykancam: «You, Americans, made my day!»(«Vy, amierykancy, zrabili moj dzień», — Zaŭv.red.). Jon z tymi ž humaram i pazityvam, jakija tak natchniali ludziej. Heta taja siła, jakaja važnaja i patrebnaja. I važna, što jon na voli.

— Jak vy bačycie dalejšaje raźvićcio Ofisa Cichanoŭskaj? Siarhiej intehrujecca ŭ vašu pracu?

— Zaŭtra (havorka pra 22 červienia. — Zaŭv. red.) budzie pres-kanfierencyja, na jakoj Siarhiej i Śviatłana sami pra heta raskažuć. Ale ja dumaju, što kali jon zachoča dałučycca da pracy Ofisa i palityčnych struktur, to dla jaho adčynienyja ŭsie dźviery. I ŭ Ofis, i ŭ Kabiniet, i ŭ Kaardynacyjnuju radu — usiudy, dzie jon budzie hatovy pracavać. Siarhiej natchniaje mnohich ludziej. U jaho jość mocnyja enierhija i charyzma.

Ciapier jamu treba pryjści ŭ siabie, uvajści ŭ rasparadak dnia, zrazumieć, što adbyvajecca ŭ śviecie. Ale ja vielmi spadziajusia, što jon praciahnie i hramadskuju, i miedyjnuju pracu. My ŭsie pamiatajem, što jon byŭ jutubieram, a nam vielmi nie chapaje takich mocnych nacyjanalnych jutubieraŭ, jakim byŭ Cichanoŭski. Ja dumaju, jon budzie rabić usio toje samaje, što i rabiŭ raniej.

— Akramia vyzvaleńnia palitviaźniaŭ, vam viadoma pra niejkija inšyja palityčnyja vyniki vizitu Kiełaha i jaho sustrečy z Łukašenkam?

— My siońnia nie bačylisia niepasredna z Kiełaham. Ale sustrakalisia sa Krystafieram Śmitam (namieśnik pamočnika dziaržsakratara ZŠA. — Zaŭv. red.) i inšymi členami delehacyi, jakija byli ŭ Minsku. Nam viadoma tolki pra častku, jakaja tyčycca palitviaźniaŭ. Pra inšyja vyniki sustrečy z Łukašenkam nam nieviadoma. Nie viedaju taksama, ci abmiarkoŭvałasia niešta pa Ukrainie. Ale palitviaźni byli ŭ fokusie, i heta samaje važnaje. Asobna chaču skazać, što my vielmi ŭdziačnyja amierykancam, u tym liku Donaldu Trampu, Dziarždepartamientu, sienataram i kanhresmienam.

Kamientary19

  • Vasil
    21.06.2025
    Navat čytać nie chaču. "Viedali" jany, "nastojvali"....
  • Cikaŭnyja
    21.06.2025
    A kudy padziełasia Krasulina? Čamu my ŭvieś dzień adnaho kanśpirołaha bačym na hetych staronkach tolki?
  • Filipp
    21.06.2025
    — A kali vy daviedalisia, što Cichanoŭski ŭ śpisie?

    — Heta zdavałasia nastolki nierealistyčnym, što, u pryncypie, da ŭčorašniaha dnia (nu, moža, zaŭčarašniaha) pytańnie vyzvaleńnia Cichanoŭskaha navat nie abmiarkoŭvałasia©
    Jak bačym, nijakaha dačynieńnia da vyzvaleńnia Siarhieja ofis nie maje, heta vyklučna damova režyma i Kiełaha.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier2

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier

Usie naviny →
Usie naviny

Tamaty ad 3 rubloŭ, ahurki tańniejšyja za bulbu. Što pradajecca na Kamaroŭcy ŭ vychodnyja

Seks-koŭč biełaruskaha pachodžańnia Aleks Łeśli prylacieŭ u Maskvu i nie byŭ zatrymany, niahledziačy na kryminalnuju spravu11

Dziaržaŭnyja kanały niečakana pakazali, jak vyhladajuć rezidencyi Łukašenki znutry. Raniej kamiery tudy nie traplali29

Pakazali trejler ajčynnaj dramy «Kłasnaja»20

Pamior polski architektar biełaruskaha pachodžańnia Michał Bałaš 1

Stała viadoma, suprać jakich pradpryjemstvaŭ uviedzieny 18-y pakiet sankcyj ES17

Daviedalisia, jak spravy ŭ Ryhora Kastusiova — jość dobryja naviny6

Žychar Barysava napisaŭ skarhu ŭ kinaprakat z-za nazvy filma, jakaja ŭviała ŭ zman2

U Polščy ŭ taksi biełarusa na chutkaści ŭrezałasia dziaŭčyna na samakacie i zapatrabavała vialikuju kampiensacyju15

bolš čytanych navin
bolš łajkanych navin

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier2

Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier

Hałoŭnaje
Usie naviny →

Zaŭvaha:

 

 

 

 

Zakryć Paviedamić