Cierciel: Hetaje mierapryjemstva na dniach było tolki adnym z mnohich, ale pakul nie para pra ich kazać
Staršynia KDB raskryŭ svaju rolu ŭ pieramovach Łukašenki z Kiełaham i stvaryŭ intryhu vakoł stasunkaŭ biełaruskaha režymu z Zachadam.
Ivan Cierciel, jaki prysutničaŭ na sustrečy Alaksandra Łukašenki sa śpiecpasłańnikam Prezidenta ZŠA Kitam Kiełaham, adznačyŭ, što KDB adyhryvaŭ klučavuju rolu ŭ arhanizacyi hetych kantaktaŭ. Pra heta paviedamlaje BiełTA.
Jon zapeŭniŭ, što Łukašenka robić usio mahčymaje dla taho, «kab dasiahnuć kansensusu, kab źnizić uzrovień eskałacyi», a roznyja sustrečy i kantakty ŭ taho jość nie tolki z amierykanskim bokam:
«Dumaju, što čas potym pakaža i inšyja aśpiekty. Ale z amierykanskim bokam voś takoha vyniku my dasiahnuli, Heta mierapryjemstva, jakoje było na dniach, tolki adno ź vielmi-vielmi mnohich.
Kantakty ŭ kiraŭnika dziaržavy, u tym liku na samym vysokim, na vysokim uzroŭni ź inšymi krainami jość. I ich šmat. I, kaniešnie, pakul nie čas pra ich havaryć. Ale ź ciaham času my raskažam», — skazaŭ Cierciel.
Jon taksama vykazaŭ mierkavańnie pra niadaŭniaje pamiłavańnie:
«Dumaju, što voś hety žest, jaki kiraŭnik dziaržavy prajaviŭ da susiedziaŭ, niahledziačy na ich palityku nie zusim dobrasusiedskuju i ŭzvažanuju (i nie na dabro ichnim narodam), i tyja pasyły, jakija naš kiraŭnik dziaržavy nakiravaŭ im, buduć pačutyja, i my ŭbačym taki ž padychod — dobrasusiedski — ź ich boku. Kažuć, što nadzieja pamiraje apošniaj. Budziem spadziavacca, što nie ŭ hetym vypadku», — zajaviŭ Cierciel.
Jon paviedamiŭ, što mierapryjemstva z amierykanskim bokam nie było spantannym:
«Heta sistemnaja praca, jakaja išła ŭžo na praciahu bolš jak hoda. Z kiraŭnikom dziaržavy sustrakalisia roznaha ŭzroŭniu pradstaŭniki amierykanskaj administracyi, abmiarkoŭvali samyja roznyja pytańni — mižnarodnyja, unutranaha paradku dnia».
Staršynia KDB padkreśliŭ, što hienierał Kiełah źjaŭlajecca asabliva davieranaj asobaj Prezidenta ZŠA:
«Heta śviedčyć ab tym, što Respublika Biełaruś i ZŠA znachodziacca ŭ kantakcie pa mnohich pytańniach, pra jakija ja nie chacieŭ by havaryć. Ale abmierkavańnie jakich zdolnaje pryvieści da rašeńnia prablem u mnohich rehijonach. I, u pryvatnaści, tam, dzie my z vami žyviem».
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś8
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary
Łuka prahniecca, adpuścić usich, a sankcyi nie zdymuć ni Litva, ni Polšča ;)
Navošta było piać hadoŭ niejki cyrk ładzić, kab paźniej usio roŭna prahnucca?